New Income Tax Bill: లోక్ సభలో కొత్త ఆదాయపన్ను బిల్లు.. మీరు తెలుసుకోవలసిన కీలక మార్పులు

New Income Tax Bill: ఆరు దశాబ్దాలుగా అమల్లో ఉన్న ఆదాయపు పన్ను చట్టం-1961 స్థానంలో, మరింత సరళమైన, స్పష్టమైన, అందరికీ అర్థమయ్యే విధంగా రూపొందించిన కొత్త ఆదాయపు పన్ను బిల్లు-2025ను సోమవారం (ఆగస్టు 11) లోక్‌సభలో ప్రవేశపెట్టారు. ఆర్థిక మంత్రి నిర్మలా సీతారామన్ బీజేపీ ఎంపీ బైజయంత్ పాండా నేతృత్వంలోని పార్లమెంటరీ సెలెక్ట్ కమిటీ సిఫార్సులను దాదాపుగా పూర్తిగా చేర్చి బిల్లును సమర్పించారు.

సభలో విపక్షాలు ఇతర అంశాలపై ఆందోళన వ్యక్తం చేస్తుండటంతో, బిల్లుపై చర్చ లేకుండా మూజువాణి ఓటుతో ఆమోదం లభించింది. బిల్లు ఇప్పుడు రాజ్యసభ ఆమోదం పొందిన తరువాత, రాష్ట్రపతి సంతకం చేస్తే కొత్త చట్టంగా మారి 2026 ఏప్రిల్ 1 నుంచి అమల్లోకి వస్తుంది.

ప్రధాన లక్ష్యం

• పాత చట్టంలో ఉన్న క్లిష్టమైన భాష, విరుద్ధ నిబంధనలు తొలగించడం.

• డిజిటల్, ఆర్థిక పరిస్థితులకు అనుగుణంగా పన్ను వ్యవస్థను మార్చడం.

• పన్ను చెల్లింపుదారులకు సులభమైన, పారదర్శకమైన చట్టం అందించడం.

ముఖ్య మార్పులు

1. “పన్ను సంవత్సరం” కొత్త కాన్సెప్ట్

   • ఇప్పటివరకు ఉన్న మునుపటి సంవత్సరం – అసెస్‌మెంట్ ఇయర్ విధానం రద్దు.

   • వ్యక్తులు, వ్యాపారాలు తమ పన్ను సంవత్సరాన్ని తమ వ్యాపారం ప్రారంభం లేదా ఆదాయం వచ్చే సమయానికి అనుగుణంగా మార్చుకోవచ్చు.

2. రీఫండ్ సౌకర్యం

   • అనారోగ్యం లేదా సాంకేతిక సమస్యల కారణంగా గడువు దాటినా రీఫండ్ క్లెయిమ్ చేసుకునే అవకాశం.

3. ఇంటి ఆస్తి ఆదాయం

   • పన్ను లెక్కింపు ఇకపై వాస్తవ అద్దె లేదా భావితర అద్దె (ఎది ఎక్కువైతే అది) ఆధారంగా.

   • మునిసిపల్ పన్నులు తీసివేసి 30% ప్రామాణిక మినహాయింపు.

   • నిర్మాణం పూర్తికాకముందు చెల్లించిన వడ్డీపై తగ్గింపు.

   • ఖాళీగా ఉన్న వాణిజ్య భవనాలపై ఊహాత్మక అద్దె పన్ను మినహాయింపు.

4. పెన్షన్ పన్ను తగ్గింపు

   • ఉద్యోగులు కాకున్నా, పెన్షన్ తీసుకునే వారికి కూడా కమ్యూటెడ్ పెన్షన్ పన్ను మినహాయింపు.

5. మినహాయింపులు

   • సౌదీ అరేబియా పబ్లిక్ ఇన్వెస్ట్‌మెంట్ ఫండ్.

   • కొత్త యూనిఫైడ్ పెన్షన్ స్కీమ్ కింద కొందరికి పన్ను మినహాయింపు.

6. ముందస్తు పన్ను సవరణలు

   • చిన్న వ్యాపారాలు, నిపుణులకు సులభమైన లెక్కలు, పెంచిన టర్నోవర్ పరిమితులు.

7. ఇతర మార్పులు

   • మూలధన లాభాలపై కనీస పన్ను రద్దు.

   • నిల్-టిడిఎస్ సర్టిఫికెట్లు పన్ను బాద్యత లేని వారికి.

ఇది కూడా చదవండి: Chalamalla krishna reddy: రాజగోపాల్‌రెడ్డిపై కాంగ్రెస్ నేత ఫైర్

బిల్లుపై వ్యాఖ్యలు

• బైజయంత్ పాండా: “ఈ బిల్లు పన్ను నిర్మాణాన్ని సులభతరం చేసి, వ్యక్తిగత పన్ను చెల్లింపుదారులు, MSMEలు అనవసర వ్యాజ్యాల నుంచి బయటపడేలా చేస్తుంది.”

• ప్రభుత్వం: “స్పష్టమైన చట్టం – తక్కువ వివాదాలు – ఎక్కువ నమ్మకం”

 పౌరులకే లాభం

ఈ బిల్లు అమలులోకి వస్తే పన్ను చెల్లింపులు సులభం అవుతాయి, వివాదాలు తగ్గుతాయి, పన్ను చట్టం అందరికీ అర్థమయ్యేలా ఉంటుంది.

తెలుగు సినిమా ప్రస్థానం ఈ లింక్ ద్వారా తెలుసుకోవచ్చు