Railway Bridge Collapse: చైనాలో మౌలిక సదుపాయాల (Infrastructure) ప్రాజెక్టుల భద్రతా ప్రమాణాలపై అనేక అనుమానాలను రేకెత్తిస్తూ రెండు వేర్వేరు ప్రాంతాల్లో వంతెనలు కూలిపోయిన ఘోర ప్రమాదాలు చోటుచేసుకున్నాయి. ముఖ్యంగా నిర్మాణంలో ఉన్న ఒక భారీ రైల్వే వంతెన కూలిపోవడంతో కనీసం 12 మంది కార్మికులు మృత్యువాత పడ్డారు.
యెల్లో రివర్ (హువాంగ్ హీ) రైల్వే వంతెన ప్రమాదం
చైనా ప్రభుత్వ రైల్వే మంత్రిత్వ శాఖ ఆధ్వర్యంలో యెల్లో రివర్ (హువాంగ్ హీ)పై నిర్మాణంలో ఉన్న సుమారు 1.6 కిలోమీటర్ల పొడవైన భారీ రైల్వే వంతెన ఆకస్మికంగా కూలిపోయింది.
ఈ ఘటనలో 12 మంది కార్మికులు అక్కడికక్కడే మృత్యువాత పడ్డారు. మరో నలుగురి పరిస్థితి విషమంగా ఉంది.
వంతెన నిర్మాణంలో ఉన్న సుమారు 40 మంది ఇంజినీర్లు, టెక్నీషియన్లు, కార్మికులలో చాలా మంది వంతెన మధ్యభాగం కూలిపోవడంతో నది నీటిలో పడిపోయారు. మరికొందరు భారీ ఐరన్ గర్డర్లు, కాంక్రీట్ బ్లాకుల కింద చిక్కుకుపోయారు.
పోలీసులు, రెస్క్యూ టీములు వెంటనే ఘటనాస్థలికి చేరుకుని సహాయక చర్యలు చేపట్టాయి. ఇప్పటి వరకు 12 మృతదేహాలను బయటకు తీశారు.
ప్రాథమిక దర్యాప్తులో.. త్వరగా పనులు పూర్తి చేయాలనే ఒత్తిడి కారణంగా భద్రతా ప్రమాణాలు నిర్లక్ష్యం చేయబడ్డాయని భావిస్తున్నారు. కాంక్రీట్ మిక్స్లో లోపాలు, ఇంజనీరింగ్ లోపాలు, డిజైన్ సమస్యల కారణంగా వంతెన స్తంభాలు బలహీనపడ్డాయని అధికారులు అనుమానిస్తున్నారు. అదనంగా, గత వారం కురిసిన భారీ వర్షాలు, మరియు కాంక్రీట్ సెట్ అవకముందే అదనపు బరువును పెట్టడం వంటి మానవ తప్పిదాలు కూడా ప్రమాదానికి కారణమై ఉండవచ్చని ఇంజనీర్లు పేర్కొంటున్నారు.
చైనాలో కూలిన నూతన వంతెన
చైనాలోని సిచువాన్ ప్రావిన్స్లో తాజాగా ప్రారంభమైన వంతెన కూలిపోయింది.
ఈ వంతెన చైనా ప్రధాన భూభాగాన్ని టిబెట్ ప్రాంతంతో కలుపుతోంది.
#China #Sichuan #BridgeCollapse #Tibet pic.twitter.com/IWGSyqYyec
— greatandhra (@greatandhranews) November 11, 2025
హాంగ్కీ వంతెన కూలిపోవడానికి దారితీసిన ఘటన
మరోవైపు, నైరుతి సిచువాన్ ప్రావిన్స్లో కొత్తగా నిర్మించిన 758 మీటర్ల పొడవైన హాంగ్కీ వంతెన (Hongqi Bridge) ప్రారంభించిన కొన్ని నెలలకే కుప్పకూలడం చైనా నిర్మాణాల నాణ్యతపై ప్రశ్నలు లేవనెత్తింది.
చైనా లోపలి భాగాన్ని టిబెట్తో కలిపే జాతీయ రహదారిలో భాగమైన ఈ వంతెన కింద వాలులు మరియు రోడ్లపై పగుళ్లు ఏర్పడటం గమనించి పోలీసులు సోమవారం ట్రాఫిక్కు మూసివేశారు. సమీపంలోని పర్వతంపై భూభాగం (Territory) మారడం దీనికి ప్రధాన కారణమని అధికారులు తెలిపారు.
మంగళవారం నాటికి పరిస్థితి మరింత దిగజారి, కొండచరియలు విరిగిపడటంతో వంతెన అప్రోచ్ మరియు రోడ్బెడ్ కూలిపోయింది.