YVS: వైవిఎస్ చౌదరి దర్శకత్వంలో నూతన నటులతో కొత్త చిత్రం రూపొందుతోంది. నందమూరి తారక రామారావు హీరోగా, వీణా రావు హీరోయిన్‌గా ఎంట్రీ ఇస్తున్న ఈ సినిమా ప్రొడక్షన్ నెం.1గా ఘనంగా ప్రారంభమైంది. ఈ చిత్రం గ్రాండ్ ముహూర్తం షూట్ మే 12న జరగనుంది. ప్రత్యేక అతిథులతో పాటు మరిన్ని వివరాలు త్వరలో వెల్లడి కానున్నాయి.
యలమంచిలి గీత ఈ సినిమాకు నిర్మాతగా వ్యవహరిస్తుండగా, ఎం.ఎం. కీరవాణి సంగీత దర్శకుడిగా, చంద్రబోస్ గీత రచయితగా, సాయి మాధవ్ బుర్రా సంభాషణలు రాస్తున్నారు. రమేష్ అత్తిలి ఎగ్జిక్యూటివ్ నిర్మాతగా ఉన్నారు. ఈ చిత్రం ద్వారా నందమూరి తారక రామారావు, వీణా రావులు తెలుగు సినీ పరిశ్రమలో అడుగుపెడుతున్నారు. యువతరాన్ని ఆకట్టుకునే కథాంశంతో ఈ చిత్రం రూపొందనుందని సమాచారం.