Jailer 2: తెలుగు సినీ జగతిలో గాడ్ ఆఫ్ మాసెస్‌గా క్రేజ్ సంపాదించిన నందమూరి బాలకృష్ణ ఇప్పుడు తమిళనాట సంచలనం సృష్టించేందుకు సిద్ధమయ్యారు. తమిళ సూపర్ స్టార్ రజినీకాంత్ నటిస్తున్న ‘జైలర్ 2’ మూవీలో బాలయ్య కీలక పాత్రలో కనిపించనున్నారు. బ్లాక్‌బస్టర్ ‘జైలర్’ సీక్వెల్‌గా రూపొందుతున్న ఈ చిత్రాన్ని దర్శకుడు నెల్సన్ దిలీప్ కుమార్ ప్రతిష్ఠాత్మకంగా తెరకెక్కిస్తున్నారు. ఈ సినిమాపై అభిమానుల అంచనాలు ఆకాశాన్ని తాకుతున్నాయి.
‘జైలర్’లో కేమియో చేసిన కన్నడ స్టార్ శివ రాజ్‌కుమార్‌తో పాటు, ఈసారి బాలయ్య కూడా మాస్ పాత్రలో మెరవనున్నారు. నెల్సన్‌తో చర్చల్లో బాలయ్య తన పాత్ర సాధారణ కేమియో కాకుండా ప్రాధాన్యతతో ఉండాలని కోరగా, దర్శకుడు ఆయన పాత్రను 10 నిమిషాల మాస్ ఎపిసోడ్‌గా రూపొందిస్తున్నారట. రజినీ-బాలయ్య కాంబో స్క్రీన్‌పై తమిళ మాస్ సెంటర్లను షేక్ చేయడం ఖాయమని అభిమానులు ఉరకలు వేస్తున్నారు. ‘జైలర్ 2’తో తమిళనాట బాలయ్య హవా ఎలా ఉండబోతుందో చూడాలి!