Operation Sindoor: జమ్మూ కశ్మీర్లోని పహల్గాం లోయలో జరిగిన ఉగ్రదాడికి భారత ప్రభుత్వం గట్టి ప్రతీకారం తీసుకుంది. ఇటీవల జరిగిన దారుణ ఘటనలో పర్యాటకులపై ఉగ్రవాదులు దాడి చేయగా, భార్యాభర్తలుగా వచ్చిన ఓ జంటపై మతపరంగా ప్రశ్నించి, భర్తను హత్య చేశారు. ఈ ఘటన దేశవ్యాప్తంగా ఆవేదనను కలిగించింది.
ఈ నేపథ్యంలో భారత రక్షణ దళాలు ‘ఆపరేషన్ సిందూర్’ పేరుతో పాకిస్తాన్ ఆక్రమిత కశ్మీర్లోని ఉగ్రవాద స్థావరాలపై దాడులు జరిపాయి. ఈ ఆపరేషన్ ద్వారా పహల్గాం ఘటనకు న్యాయం జరిగిందని కేంద్ర విదేశాంగ కార్యదర్శి విక్రమ్ మిస్రీ వెల్లడించారు. ఈ దాడి భారత సైన్యం, నౌకాదళం, వైమానిక దళం సంయుక్తంగా చేపట్టిన ప్రతీకార చర్యగా చరిత్రలో నిలిచిపోతుందని విశ్లేషకులు చెబుతున్నారు.
దేశమంతా ఇప్పుడు భారత సైన్యానికి జేజేలు పలుకుతోంది. సామాజిక మాధ్యమాల్లో ‘జైహింద్’, ‘భారత్ మాతాకీ జై’ అంటూ హర్షధ్వానాలు వినిపిస్తున్నాయి. సినీ ప్రముఖులు కూడా స్పందిస్తూ సైనికుల ధైర్యానికి గౌరవం చెల్లిస్తున్నారు.
ప్రముఖ నటుడు మోహన్లాల్: ‘‘సిందూరం మన ధైర్యానికి చిహ్నం. దేశం మీ గర్వంగా నిలుస్తోంది.’’
మహేశ్బాబు: ‘‘సైనికులకు సెల్యూట్. సరైన న్యాయం జరిగింది.’’
ఎన్టీఆర్: ‘‘మన ఆర్మీ సురక్షితంగా ఉండాలని ప్రార్థిస్తున్నా. జైహింద్.’’
మమ్ముట్టి: ‘‘ఆపరేషన్ సిందూర్ దేశం గర్వించదగ్గ పని. నిజమైన హీరోలు సైనికులే.’’
కమల్హాసన్: ‘‘భారత ప్రభుత్వం తీసుకున్న వ్యూహాత్మక చర్య ప్రశంసనీయమైనది.’’
Also Read: Pawan Kalyan: ఆపరేషన్ సిందూర్పై గర్జించిన పవన్ కల్యాణ్
Operation Sindoor: ఈ ఉగ్రదాడిలో మృతుడైన వినయ్ నర్వాల్ భారత నౌకాదళానికి చెందిన అధికారి. అతడి భార్య హిమాన్షి రోదిస్తున్న దృశ్యం దేశ ప్రజల మనసులను తాకింది. సైనికుల త్యాగం వెనుక ఉన్న బాధను దేశం మరవదని, ప్రతి ఉగ్రవాద చర్యకు దీటైన బదులు ఇస్తామని భారత ప్రభుత్వం స్పష్టం చేసింది.
‘ఆపరేషన్ సిందూర్’… వీరులకు వందనం. దేశ భద్రత కోసం పోరాడే ప్రతి యోధుడికి జైహింద్!