Rinku Singh: భారత క్రికెట్ జట్టులో స్టార్‌ ఆల్‌రౌండర్‌గా వెలుగొందుతున్న రింకు సింగ్‌ ఆసియా కప్‌ కోసం ప్రస్తుతం యూఏఈలో జట్టుతో కలిసి ఉన్నాడు. సెప్టెంబర్ 2025లో జరగనున్న ఆసియా కప్‌లో భారత జట్టు తొలి మ్యాచ్‌ను ఆతిథ్య యూఏఈతో ఆడనుంది. అయితే ఈ కీలక టోర్నీకి ముందు రింకు సింగ్‌ తన జీవితంలో జరిగిన ఒక షాకింగ్‌ సంఘటనను పంచుకున్నాడు.
పాడ్‌కాస్ట్‌లో రింకు సింగ్‌ కథనం
ఆసియా కప్‌ బయలుదేరే ముందు రింకు సింగ్‌ రాజ్‌ షమానీతో పాడ్‌కాస్ట్‌ ఇచ్చాడు. ఇందులో ఆయన తన చిన్ననాటి ఒక భయంకర అనుభవాన్ని చెప్పాడు. తన ఎడమ చేయి కుడి చేయి కంటే సుమారు 1 కిలో తక్కువ బరువుగా ఉందని వెల్లడించాడు. ఈ వెనుక కథ అందరినీ షాక్‌కు గురిచేస్తుంది.
కోతి దాడితో జీవితం మార్చిన సంఘటన
రింకు సింగ్‌ చిన్నతనంలో వర్షం పడుతున్న రోజు తన అన్నతో కలిసి పొలాలకు వెళ్లాడు. ఆ సమయంలో ఒక్కసారిగా ఒక కోతి అతని ఎడమ చేయిని గట్టిగా కొరికింది. “నా సోదరుడు రాళ్లు విసిరినా అది వదలలేదు. చివరికి కోతి వెళ్లినప్పుడు నా చేతిలో మాంసం ముక్కలు లేకుండా పోయాయి, ఎముకలు కనబడే స్థితి. అప్పట్లో అందరూ నేను బ్రతుకుతానా లేదా అనేది ఆందోళన చెందారు,” అని రింకు గుర్తుచేశాడు.
ఇది కూడా చదవండి: AP HighCourt: ఏపీ హైకోర్టులో డిప్యూటీ సీఎం ఫోటో వివాదం: పిల్ కొట్టివేత
NCAలో DEXA స్కాన్ ఫలితాలు
ఇటీవల నేషనల్ క్రికెట్ అకాడమీలో (NCA) రింకు సింగ్‌ తన శరీర బరువు కొలతలు చేయించుకున్నాడు. అందులో అతని ఎడమ చేయి కుడి చేయి కంటే సుమారు 1 కిలో తక్కువ బరువుతో ఉన్నట్లు తెలిసింది. ఈ సంఘటన వల్లే ఆ తేడా ఏర్పడిందని రింకు స్పష్టం చేశాడు.
ప్రభావం ఏమిటి?
చేతుల బరువులో తేడా వల్ల తాను ఎదుర్కొంటున్న సమస్యలను రింకు వివరించాడు. “కుడి చేతితో ఎత్తగలిగే బరువును ఎడమ చేతితో అంత సులభంగా ఎత్తలేను. ఇది నాకు చిన్న సవాల్‌లా మారింది,” అని తెలిపాడు. అయినా ఈ ఇబ్బందిని అధిగమిస్తూ రింకు సింగ్‌ టీమ్‌ ఇండియాలో ఒక మ్యాచ్‌ విన్నర్‌గా ఎదుగుతున్నాడు.
ఆసియా కప్‌లో రింకు సింగ్‌ మీద ఫోకస్
యూపీ T20 లీగ్‌లో తన శక్తి ప్రదర్శించిన రింకు సింగ్‌పై ఇప్పుడు ఆసియా కప్‌లో అందరి దృష్టి పడింది. కీలక సమయాల్లో జట్టుకు విజయాలు అందించే ఆటగాడిగా అభిమానులు ఆయనపై భారీ అంచనాలు పెట్టుకున్నారు.