Fire Accident: నోయిడాలో భారీ అగ్నిప్రమాదం: పెయింట్ పరిశ్రమలో చెలరేగిన మంటలు

సమాచారం అందిన వెంటనే అగ్నిమాపక సిబ్బంది ఘటనా స్థలానికి వేగంగా చేరుకున్నారు. మంటల తీవ్రత ఎక్కువగా ఉండటంతో, వాటిని అదుపులోకి తేవడానికి మొత్తం 12కు పైగా ఫైర్ ఇంజిన్లు రంగంలోకి దిగాయి. దట్టమైన నల్లటి పొగ, పెద్ద ఎత్తున ఎగసిపడుతున్న మంటలను నియంత్రించడం అగ్నిమాపక సిబ్బందికి కష్టంగా మారింది. ప్రస్తుతం వారు మంటలను ఆర్పేందుకు తీవ్రంగా కృషి చేస్తున్నారు.

ఈ ప్రమాదానికి గల కారణాలు ఇంకా పూర్తిగా తెలియరాలేదు. అలాగే, ఎంత నష్టం జరిగిందో, ఎవరైనా గాయపడ్డారా లేదా ప్రాణనష్టం జరిగిందా అన్న వివరాలు కూడా ఇంకా వెల్లడి కావాల్సి ఉంది. పోలీసులు అగ్నిప్రమాదానికి కారణాలను తెలుసుకునే పనిలో ఉన్నారు.

Also Read: Jasprit Bumrah: ఇంగ్లాండ్‌తో రెండో టెస్టుకు జస్‌ప్రీత్‌ బుమ్రా దూరం?

గత వారం ఢిల్లీలోని రోహిణి ప్రాంతంలోని రిథాలాలో జరిగిన అగ్నిప్రమాదం తీవ్ర విషాదాన్ని నింపింది. మంగళవారం సాయంత్రం జరిగిన ఆ ఘటనలో నలుగురు ప్రాణాలు కోల్పోయారు. నాలుగు అంతస్తుల భవనం పూర్తిగా మంటల్లో చిక్కుకుంది. ఆ భవనంలో పలు తయారీ యూనిట్లు ఉండటంతో, సుమారు 100 మంది ఫైర్ సిబ్బంది దాదాపు 15 గంటల పాటు శ్రమించి బుధవారం ఉదయం మంటలను పూర్తిగా అదుపులోకి తేగలిగారు. నోయిడాలో జరిగిన ఈ ప్రమాదం కూడా దాని తీవ్రతను గుర్తు చేస్తోంది.

#WATCH | Uttar Pradesh | A fire breaks out at a private firm in Noida Sector 2. Fire tenders are at the spot. More details awaited. pic.twitter.com/ZZxzAf7nRT

— ANI (@ANI) June 27, 2025