Amaravati: ఆంధ్రప్రదేశ్ రాజధాని అమరావతిలో జరుగుతున్న పనులను చూడడానికి మలేసియా దేశానికి చెందిన ప్రజాప్రతినిధుల బృందం వచ్చింది.
ఈ బృందానికి, రాజధానిలో నిర్మిస్తున్న కట్టడాల గురించి అధికారులు వివరించారు. ముఖ్యంగా, మంత్రి నారాయణ గారు, సీఆర్డీఏ కమిషనర్‌ కన్నబాబు గారు, అదనపు కమిషనర్‌ భార్గవ్‌ తేజ గారు వీరికి అమరావతి విశేషాలను చెప్పారు.
ఆఫీస్ భవనాన్ని పరిశీలించిన బృందం
మలేసియా బృందం సీడ్‌ యాక్సెస్‌ రోడ్డు పక్కనే కడుతున్న సీఆర్డీఏ (CRDA) కొత్త ఆఫీస్ భవనాన్ని దగ్గరగా చూశారు. ఈ భవనం గురించిన పూర్తి వివరాలను అధికారులు వారికి తెలిపారు.
అనంతరం, ఈ మలేసియా బృందం ముఖ్యమంత్రి చంద్రబాబు గారిని కలవడానికి సచివాలయానికి వెళ్లారు. అక్కడ ముఖ్యమంత్రితో వారు ప్రత్యేకంగా సమావేశం అయ్యారు.