Mahesh Kumar goud: తెలంగాణ పీసీసీ అధ్యక్షుడు మహేష్‌కుమార్‌గౌడ్‌ తాజా వ్యాఖ్యలు రాజకీయ వర్గాల్లో చర్చనీయాంశంగా మారాయి. సీఎం రేవంత్‌రెడ్డి, బీఆర్ఎస్‌ నేత హరీష్‌రావు ఒకే విమానంలో ప్రయాణించారని వచ్చిన వార్తలపై స్పందిస్తూ ఆయన తనదైన శైలిలో సమాధానమిచ్చారు.
“ఒకే విమానంలో వెళ్ళారంటే కాళ్లు మొక్కినట్టా? నేను కూడా కవితతో కలిసి ఎన్నిసార్లో ఒకే విమానంలో ప్రయాణించాను. అంతమాత్రాన ములాఖత్‌ జరిగినట్టా? విమానంలో కలసి ప్రయాణించడం ఒకటి, రాజకీయంగా ప్రత్యేకంగా కలుసుకోవడం మరొకటి” అని మహేష్‌కుమార్‌గౌడ్‌ స్పష్టం చేశారు.
ఆయన వ్యాఖ్యలతో విమాన ప్రయాణం, రాజకీయ భేటీ అనేవి రెండు వేర్వేరు విషయాలని స్పష్టంచేశారు. ఈ వ్యాఖ్యలు సోషల్‌ మీడియాలోనూ, రాజకీయ వర్గాల్లోనూ చురుకుగా చర్చనీయాంశంగా మారాయి.