L.k advani: బీజేపీ అగ్రనేత, మాజీ ఉప ప్రధాని లాల్‌ కృష్ణ అద్వానీ (LK Advani) మరోసారి అనారోగ్యానికి గురై ఆసుపత్రిలో చేరారు. ప్రస్తుతం ఆయన ఢిల్లీలోని ఇంద్రప్రస్థ అపోలో ఆసుపత్రిలో న్యూరాలజీ వైద్యుల పర్యవేక్షణలో చికిత్స పొందుతున్నారు. 96 సంవత్సరాల వయస్సు కలిగిన అద్వానీ వృద్ధాప్య సంబంధిత అనారోగ్య సమస్యలతో గత కొన్ని నెలలుగా బాధపడుతున్నారు. ఈ ఏడాది జూన్, జులై, ఆగస్టు నెలల్లో అనేక సార్లు ఆయన అస్వస్థతకు గురయ్యారు. మొదటగా జూన్ 26న అస్వస్థతతో ఆసుపత్రిలో చేరిన ఆయన, రెండు రోజుల చికిత్స తర్వాత డిశ్చార్జ్ అయ్యారు. ఆ తర్వాత జులై 3న, ఆగస్టు 6న మరోసారి ఆసుపత్రిలో చేరారు. ఇప్పుడూ మళ్ళీ అస్వస్థతకు గురైన ఆయన ఆరోగ్యం ప్రస్తుతం స్థిరంగా ఉందని సమాచారం.