Lionel Messi: ప్రపంచ ఫుట్బాల్ చరిత్రలో అత్యంత గొప్ప ఆటగాడిగా (GOAT) కీర్తించబడే దిగ్గజం లియోనెల్ మెస్సీ తొలిసారి హైదరాబాద్ గడ్డపై అడుగుపెట్టనున్నారు. నగరంలో నిర్వహించనున్న ఒక ప్రత్యేక ఈవెంట్ కోసం మెస్సీ రాకను పురస్కరించుకుని, ఉప్పల్ స్టేడియం అభిమానుల కోలాహలంతో ఉర్రూతలూగనుంది. అధికారిక వర్గాల నుంచి అందిన సమాచారం ప్రకారం, మెస్సీ పర్యటన, ఉప్పల్ స్టేడియంలో జరగబోయే అపురూప ఘట్టాలకు సంబంధించిన సమగ్ర షెడ్యూల్ వివరాలు ఇక్కడ ఉన్నాయి.
హైదరాబాద్కు ‘లా పుల్గా’ ఆగమనం
నేడు సరిగ్గా సాయంత్రం 4.30 గంటలకు లియోనెల్ మెస్సీ ప్రత్యేక విమానంలో శంషాబాద్ అంతర్జాతీయ విమానాశ్రయంలో ల్యాండ్ అయ్యారు. తనను రేవంత్ రెడ్డి ఆహ్వానించారు.
విమానాశ్రయం నుంచి నేరుగా నగరంలోని చారిత్రక తాజ్ ఫలక్నుమా హోటల్కు చేరుకున్నారు. అక్కడ 100 మంది ప్రముఖులతో మెస్సీ ‘మీట్ అండ్ గ్రీట్’ కార్యక్రమంలో పాల్గొన్నారు. ఈ సందర్భంగా ఆయన అభిమానులు, ప్రత్యేక అతిథులతో మాట్లాడనున్నారు.
ఉప్పల్ స్టేడియంలో సందడి షురూ!
రాత్రి 8 గంటల తర్వాత అభిమానుల ఆనందోత్సాహాల మధ్య ఉప్పల్ స్టేడియంలో అసలు కార్యక్రమం మొదలవుతుంది. మెస్సీ పర్యటనలో అత్యంత ముఖ్యమైన ఘట్టాల షెడ్యూల్ వివరాలు ఇలా ఉన్నాయి:
| సమయం | కార్యక్రమ వివరాలు |
| 8:25 PM | మెస్సీ ఉప్పల్ స్టేడియంకు చేరుకుంటారు. |
| 8:33 PM | ఈవెంట్ నిర్వాహకుడు అనుపమ్ రెడ్డితో కలిసి మెస్సీ గోల్కీపర్ పెనాల్టీ షూటౌట్లో పాల్గొంటారు. |
| 8:38 PM | స్టేడియం చుట్టూ పరేడ్ వాక్ నిర్వహిస్తారు. మెస్సీ అభిమానులకు కరతాళధ్వనుల మధ్య అభివాదం చేస్తారు. |
| పరేడ్లో పాల్గొనే ప్రముఖులు: | మెస్సీతో పాటు సీఎం రేవంత్ రెడ్డి, కాంగ్రెస్ నాయకులు రాహుల్ గాంధీ, మెస్సీ స్నేహితులు సువారెజ్, డి. పాల్ సహా ఇతర ప్రముఖులు పాల్గొంటారు. |
| 8:48 PM | వేదికపై అధికారిక పరిచయ కార్యక్రమం ఉంటుంది. మధ్యలో మెస్సీ, ఆయన కుడి వైపున సీఎం రేవంత్ రెడ్డి, ఎడమ వైపున రాహుల్ గాంధీ నిలబడతారు. రోడ్రిగో డి పాల్, లూయిస్ సువారెజ్, వినయ్ కొట్రా, సైనాథ్ గౌడ్ తదితరులు వేదికపై ఉంటారు. |
| 8:51 PM | మెస్సీ ఈవెంట్ ఆర్గనైజర్లు, జట్టు యజమానులతో ఫోటోలు దిగుతారు. |
| 8:53 PM | ముఖ్యమంత్రి చేతుల మీదుగా మెస్సీకి ‘GOAT’ కప్ అందజేత. మెస్సీ అదే ట్రోఫీని పాల్గొన్న జట్టుకు అందజేస్తారు. |
| 8:54 PM | సీఎం రేవంత్ రెడ్డి మెస్సీని ఘనంగా సత్కరిస్తారు. |
| 8:55 PM | పార్థవి రెడ్డి లూయిస్ సువారెజ్ను సన్మానిస్తారు. |
| 8:56 PM | వినయ్ కొట్రాను, రోడ్రిగో డి పాల్ను సైనాథ్ గౌడ్ సన్మానిస్తారు. |
| 8:57 PM | ఫైనల్ సిగ్నీచర్ కార్యక్రమం ఉంటుంది. |
| 8:58 PM | ముఖ్యమంత్రి రేవంత్ రెడ్డి, ఆ వెంటనే రాహుల్ గాంధీ సందేశాన్ని ఇస్తారు. |
| 9:00 PM | వేదికపై ఉన్న ప్రముఖులంతా స్టేడియం నుంచి నిష్క్రమిస్తారు. |
| 9:10 PM | కార్యక్రమానికి నిర్వాహకులు అధికారిక ముగింపును ప్రకటిస్తారు. |
ఫుట్బాల్ చరిత్రలోనే ఒక సువర్ణాధ్యాయంగా నిలిచిపోయే ఈ అపూర్వ ఘట్టాన్ని చూసేందుకు అభిమానులు అత్యంత ఉత్సాహంగా ఎదురుచూస్తున్నారు.