Kriti Shetty: దక్షిణాదిలో అతి తక్కువ కాలంలోనే స్టార్ హీరోయిన్‌గా గుర్తింపు తెచ్చుకున్న నటి కృతి శెట్టి, ఇప్పుడు తన అదృష్టాన్ని బాలీవుడ్‌లో పరీక్షించుకోవడానికి సిద్ధమవుతోంది. తన చక్కటి అందం, సహజమైన నటనతో దక్షిణాది ప్రేక్షకులను ఆకర్షించిన కృతి, బాలీవుడ్ డెబ్యూ కోసం ఒక ఆసక్తికరమైన ప్రాజెక్ట్‌కు గ్రీన్ సిగ్నల్ ఇచ్చినట్లు తాజా సమాచారం.
తెలుగులో ‘ఉప్పెన’, ‘బంగార్రాజు’ వంటి చిత్రాలతో అలరించిన ఈ భామ, హిందీలో ప్రముఖ నటుడు గోవిందా కుమారుడు యశ్వర్ధన్ అహుజా తొలి చిత్రంలో నటించనుంది. యశ్వర్ధన్‌కు కూడా ఇదే డెబ్యూ చిత్రం కావడం విశేషం.
Also Read: Rashi Khanna: రాశి ఖన్నా ఫిట్‌నెస్ సీక్రెట్స్!
ఈ ప్రాజెక్ట్ దక్షిణాదిలో మంచి విజయాన్ని సాధించిన ఒక సినిమా రీమేక్‌గా రూపొందనుందని బాలీవుడ్ వర్గాల్లో చర్చ జరుగుతోంది. ఒక టాప్ ప్రొడక్షన్ హౌస్ ఈ చిత్రాన్ని నిర్మించనుంది. ప్రముఖ దర్శకుడు సాజిద్ ఖాన్ ఈ చిత్రానికి దర్శకత్వం వహించే అవకాశాలు బలంగా కనిపిస్తున్నాయి.
ప్రస్తుతం కృతి శెట్టి ‘లవ్ ఇన్సూరెన్స్ కంపెనీ’ అనే చిత్రంతో బిజీగా ఉంది. ఈ బాలీవుడ్ ఎంట్రీతో దక్షిణాదితో పాటు ఉత్తరాదిలో కూడా స్టార్ స్టేటస్‌ను సంపాదించుకోవాలని కృతి ఆశపడుతోంది. దక్షిణాదిలో నయనతార, సమంత వంటి తారల మాదిరిగానే బాలీవుడ్‌లోనూ తన ప్రతిభను చాటుకోవడానికి ఆమె ఉత్సాహంగా ఉంది. ఈ చిత్రానికి సంబంధించిన పూర్తి వివరాలు త్వరలోనే అధికారికంగా వెలువడనున్నాయి.