Kollywood: కోలీవుడ్‌లో డ్రగ్స్ కేసు (Drugs Case) కలకలం సృష్టిస్తున్న వేళ, ప్రముఖ తమిళ నటులు శ్రీకాంత్ మరియు కృష్ణకు ఎన్‌ఫోర్స్‌మెంట్ డైరెక్టరేట్ (ఈడీ) సమన్లు జారీ చేసింది. అంతర్జాతీయ కోకైన్ అక్రమ రవాణాకు (Cocaine Trafficking) సంబంధించిన మనీలాండరింగ్ నిరోధక చట్టం (PMLA) కేసులో విచారణ నిమిత్తం వీరిని హాజరు కావాలని ఈడీ ఆదేశించింది. గతంలో చెన్నై పోలీసులు నమోదు చేసిన ఒక డ్రగ్స్ కేసు ఆధారంగా ఈడీ PMLA కింద విచారణ చేపట్టింది. ఈ కేసు అంతర్జాతీయ డ్రగ్స్ స్మగ్లింగ్ నెట్‌వర్క్‌తో ముడిపడి ఉన్నట్లు తెలుస్తోంది.
Also Read: Kalyan Ram: కళ్యాణ్ రామ్ డబుల్ ధమాకా..!
ఈ కేసులో నటులు శ్రీకాంత్, కృష్ణ గతంలో చెన్నై పోలీసులచే అరెస్ట్ చేయబడ్డారు. డ్రగ్స్ సరఫరా మరియు వినియోగం ఆరోపణలు వీరిపై ఉన్నాయి. డ్రగ్స్ వ్యాపారంలో వచ్చిన అక్రమ డబ్బును చట్టబద్ధం చేయడానికి (మనీలాండరింగ్) ప్రయత్నాలు జరిగాయా అనే కోణంలో ఈడీ ప్రధానంగా దర్యాప్తు చేస్తోంది. నటులు ఈ వ్యవహారంలో ఏ మేరకు ఆర్థిక లావాదేవీలు జరిపారు, వారి పాత్ర ఏంటి అనే అంశాలపై ఈడీ దృష్టి సారించింది. ఈడీ సమన్ల మేరకు నటులు త్వరలో చెన్నైలోని ఈడీ కార్యాలయంలో విచారణకు హాజరు కావాల్సి ఉంటుంది. ఈ కేసు విచారణకు సంబంధించి మరిన్ని కీలక విషయాలు వెలుగులోకి వచ్చే అవకాశం ఉంది. కోలీవుడ్‌లో పలువురు ప్రముఖులకు ఈ డ్రగ్స్ కేసుతో సంబంధాలు ఉండవచ్చనే అనుమానాలు వ్యక్తమవుతున్నాయి.