Kishan Reddy: తెలంగాణలో ప్రస్తుతం అమలు అవుతున్న సంక్షేమ పథకాల గురించి మాట్లాడుతూ కేంద్ర మంత్రి కిషన్ రెడ్డి స్పందించారు. ఉచిత బస్సు ప్రయాణ పథకం మాత్రమే రాష్ట్ర ప్రభుత్వం స్వయంగా అమలు చేస్తోందని, కానీ సన్నబియ్యం మరియు ఇందిరమ్మ పథకాలలో కేంద్ర ప్రభుత్వం కూడా కీలక భాగస్వామ్యమైందని ఆయన పేర్కొన్నారు. దీనితో పాటు, ఎన్నికల సమయంలో కాంగ్రెస్ పార్టీ ప్రజలకు ఇచ్చిన అన్ని హామీలను ఇప్పుడు ప్రభుత్వం పూర్తిగా అమలు చేయాల్సిన బాధ్యత ఉందని గుర్తుచేశారు.
హైదరాబాద్ పరిస్థితులపై మాట్లాడుతూ, నగరంలోని రియల్ ఎస్టేట్ వ్యాపారం ప్రస్తుతం పడిపోయిందని కిషన్ రెడ్డి తెలిపారు. ప్రభుత్వ విధానాలు పెట్టుబడిదారుల్లో అనిశ్చితి సృష్టించాయని, ఫలితంగా రియల్ ఎస్టేట్ రంగం మందగించినట్లు ఆయన అభిప్రాయపడ్డారు.