K-Ramp: దీపావళి కానుకగా వచ్చి బాక్సాఫీస్ను షేక్ చేసిన కిరణ్ అబ్బవరం ‘కె-ర్యాంప్’ ఇప్పుడు ఓటీటీలో రణరంగం సృష్టిస్తోంది. కేవలం కొద్ది రోజుల్లోనే 150 మిలియన్ స్ట్రీమింగ్ నిమిషాలు దాటేసింది. అభిమానులు సోషల్ మీడియాలో ఎడిట్స్తో హైప్ నింపుతున్నారు. ఆహా ఓటీటీలో స్ట్రీమింగ్ అవుతున్న ‘కె-ర్యాంప్’ సినిమా అదిరిపోయే వేగంతో ఆడియన్స్ను ఆకర్షిస్తోంది. రిలీజ్ అయిన కొద్ది రోజుల్లోనే 150 మిలియన్ స్ట్రీమింగ్ నిమిషాల మైలురాయిని అధిగమించింది. ఇది ఆహా ప్లాట్ఫామ్లో గతంలో వచ్చిన అనేక చిత్రాల రికార్డులను బద్దలు కొట్టింది.
Also Read: Varanasi: వారణాసిలో షాకింగ్ సన్నివేశాలు?
థియేటర్లలో సాలిడ్ హిట్ అయిన ఈ చిత్రం ఇప్పుడు డిజిటల్ ప్లాట్ఫామ్లోనూ అదే జోష్ కొనసాగిస్తోంది. కిరణ్ అబ్బవరం – ఆహా కాంబినేషన్కు వరుసగా రెండో భారీ విజయంగా నిలిచింది. హాస్య మూవీస్, రుద్రాంశ్ సెల్యులాయిడ్ బ్యానర్పై జైన్స్ నాని దర్శకత్వంలో తెరకెక్కిన ఈ సినిమాలో యుక్తి తరేజా కథానాయికగా నటించారు. సోషల్ మీడియాలో ఫ్యాన్స్ క్లిప్స్, ఎడిట్స్, మీమ్స్ పంచుకుంటూ సినిమాకు మరింత బజ్ తెచ్చిపెడుతున్నారు. ఈ ట్రెండ్ కొనసాగితే మరిన్ని రికార్డులు బద్దలయ్యే అవకాశం ఉంది. మరి ఈ సినిమా ఇంకెన్ని రికార్డ్స్ నమోదు చేస్తుందో చూడాలి.