Kapil Sharma: స్టార్ కమెడియన్ కపిల్ శర్మ రెస్టారెంట్‌పై నాల్గవసారి కాల్పులు జరిగాయి. కెనడాలోని ఆయన రెస్టారెంట్‌ను లారెన్స్ బిష్ణోయ్ గ్యాంగ్ టార్గెట్ చేసింది. ఈ ఘటన సంచలనం సృష్టిస్తోంది. కెనడా ప్రభుత్వం సీరియస్‌గా స్పందిస్తోంది. ఈ దాడుల వెనుక కథ ఏంటో చూద్దాం.
Also Read: Nagarjuna 100 Film: నాగ్ 100వ సినిమాలో అనుష్క?
కపిల్ శర్మకు చెందిన కెనడా రెస్టారెంట్‌పై లారెన్స్ బిష్ణోయ్ గ్యాంగ్ వరుసగా దాడులు చేస్తోంది. నాలుగు నెలల్లో నాల్గవసారి కాల్పులు జరపడం చర్చనీయాంశమైంది. ఈ గ్యాంగ్ సోషల్ మీడియా ద్వారా దాడుల ప్రకటన చేసింది. కపిల్ శర్మ వ్యాపారాన్ని దెబ్బతీసే ఉద్దేశంతో ఈ దాడులు జరుగుతున్నాయని ఊహాగానాలు సాగుతున్నాయి. ఇండియాలో కపిల్ హై సెక్యూరిటీలో ఉన్నప్పటికీ, ఈ గ్యాంగ్ బాలీవుడ్ సెలబ్రిటీలను లక్ష్యంగా చేసుకుంటోంది. సల్మాన్ ఖాన్ తర్వాత కపిల్ శర్మ టార్గెట్‌గా ఉన్నారని పోలీసు వర్గాలు తెలిపాయి. కెనడా ప్రభుత్వం ఈ గ్యాంగ్‌ను ఉగ్రవాద సంస్థగా గుర్తించి, కఠిన చర్యలకు సిద్ధమైంది. అయినప్పటికీ, ఈ దాడులు కొనసాగుతున్నాయి. గతంలో పలు బాలీవుడ్ స్టార్లకు బెదిరింపు మెయిల్స్ పంపిన ఈ గ్యాంగ్, ఇప్పుడు కపిల్ శర్మ రెస్టారెంట్‌ను టార్గెట్ చేస్తోంది. ఈ ఘటనలపై కెనడా పోలీసులు దర్యాప్తు చేస్తున్నారు.