Jugari Cross: కన్నడ సాహిత్యంలో క్లాసిక్ నవల ‘జుగారి క్రాస్’ ఆధారంగా కొత్త సినిమా రూపొందుతోంది. దర్శకుడు గురుదత్త గనిగ, రాజ్ బి. శెట్టి కాంబో ఈ ప్రాజెక్ట్‌తో మరోసారి సంచలనం సృష్టించనుంది. టైటిల్ ప్రోమో ఇప్పటికే ఆకట్టుకుంటోంది. ఈ చిత్రం ఎలాంటి మ్యాజిక్ చేస్తుందో చూద్దాం.
Also Read: Pawan Kalyan: ఓజీ ఆ రోజు నుంచే ఓటీటీ ప్లాట్‌ఫామ్‌లోకి
కన్నడ సాహిత్యంలో ఆణిముత్యంగా నిలిచిన పూర్ణచంద్ర తేజస్వి రాసిన ‘జుగారి క్రాస్’ నవల ఇప్పుడు సినిమాగా మారనుంది. ‘కరావళి’ చిత్రంతో దృష్టిని ఆకర్షించిన దర్శకుడు గురుదత్త గనిగ ఈ ప్రాజెక్ట్‌ను తెరకెక్కిస్తున్నారు. ఈ చిత్రంలో రాజ్ బి. శెట్టి హీరోగా నటిస్తూ, గురుదత్తతో మరోసారి చేతులు కలిపారు. టైటిల్ ప్రోమోలో విజువల్స్, ఉత్కంఠభరితమైన నేపథ్య సంగీతం, యాక్షన్ ఎలిమెంట్స్ ప్రేక్షకులను ఆకట్టుకున్నాయి. పుర్రెలు, మారణాయుధాలతో నిండిన ప్రోమో, ఈ చిత్రం కేవలం నవల ఆధారితమే కాక, భారీ యాక్షన్ డ్రామాగా రూపొందుతుందని సంకేతాలిస్తోంది. ‘కరావళి’ పోస్ట్-ప్రొడక్షన్ పనుల్లో ఉంటూనే, గురుదత్త ఈ కొత్త ప్రాజెక్ట్‌ను సిద్ధం చేస్తున్నారు. గురుదత్త గనిగ ఫిల్మ్స్ బ్యానర్‌పై నిర్మితమవుతున్న ఈ చిత్రానికి అభిమన్యు సదానందన్ సినిమాటోగ్రఫీ, సచిన్ బస్రూర్ సంగీతం అందిస్తున్నారు. రెగ్యులర్ షూటింగ్ త్వరలో ప్రారంభం కానుంది. నటీనటులు, సాంకేతిక బృందం వివరాలు త్వరలో వెల్లడవుతాయి.