Ranya Rao: బంగారం అక్రమ రవాణా (స్మగ్లింగ్) కేసులో అరెస్టయిన కన్నడ నటి రన్యా రావుకు బెంగళూరు కోర్టు ఏడాది జైలు శిక్ష విధించింది. రన్యా రావుతో పాటు ఈ కేసులో మరో ముగ్గురికి కూడా ఇదే శిక్ష ఖరారు చేసింది. ఈ తీర్పుతో, రన్యా రావు జైల్లోనే కొనసాగనున్నారు. గతంలో స్పెషల్‌ న్యాయస్థానం ఆమెకు కొన్ని ప్రత్యేక షరతులతో బెయిల్ మంజూరు చేసినప్పటికీ, ఆమె ఆ సమయం నుంచే విడుదల కాకుండా జైలులోనే ఉన్నారని తెలుస్తోంది. కోర్టు విధించిన శిక్షా కాలంలో బెయిల్ కోసం దరఖాస్తు చేసుకునే అవకాశం లేకుండా న్యాయస్థానం ఆదేశాలు జారీ చేసింది. ఇది ఈ కేసులో ఒక కీలక అంశంగా మారింది. నటి రన్యా రావుకు జైలు శిక్ష విధించడం కన్నడ చిత్ర పరిశ్రమలో చర్చనీయాంశంగా మారింది.
