Kalvakuntla Kavitha: తెలంగాణ మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ (కల్వకుంట్ల తారక రామారావు) తన 49వ పుట్టినరోజును జరుపుకుంటున్నారు. ఈ సందర్భంగా ఆయన సోదరి, ఎమ్మెల్సీ కల్వకుంట్ల కవిత హృదయపూర్వక జన్మదిన శుభాకాంక్షలు తెలియజేశారు.
కవిత ట్విట్టర్ లో కేటీఆర్కు శుభాకాంక్షలు తెలుపుతూ ఒక పోస్ట్ చేశారు. ఆ పోస్ట్లో, “హ్యాపీ బర్త్డే అన్నయ్య! మీ ఆశయాలు నెరవేరాలని, మీరు ఎల్లప్పుడూ ఆయురారోగ్యాలతో, సంతోషంగా ఉండాలని కోరుకుంటున్నాను” అని పేర్కొన్నారు. వ్యక్తిగత సంబంధాన్ని ప్రతిబింబిస్తూ, అన్నయ్యగా కేటీఆర్తో ఉన్న అనుబంధాన్ని తెలియజేసేలా ఈ సందేశం ఉంది.
కేటీఆర్ పుట్టినరోజు సందర్భంగా బీఆర్ఎస్ శ్రేణులు, అభిమానులు, పలువురు రాజకీయ ప్రముఖులు, సినీ ప్రముఖులు ఆయనకు శుభాకాంక్షలు తెలియజేస్తున్నారు.
ఇది కూడా చదవండి: Vijay Devarakonda: విజయ్ దేవరకొండకు మరోసారి ఈడీ నోటీసులు
రాష్ట్రవ్యాప్తంగా బీఆర్ఎస్ కార్యకర్తలు పలు సేవా కార్యక్రమాలను కూడా నిర్వహిస్తున్నారు.
అటు తెలంగాణ ముఖ్యమంత్రి రేవంత్రెడ్డి జన్మదిన శుభాకాంక్షలు తెలిపారు. నిత్యం ప్రజాసేవలో నిమగ్నమవుతూ రాష్ట్రాభివృద్ధికి పాటుపడాలని కోరారు. భగవంతుడు ఆయనకు సంపూర్ణ ఆయురారోగ్యాలు ప్రసాదించాలని ఆకాంక్షించారు. ఈమేరకు తెలంగాణ సీఎంవో అధికారిక ‘ఎక్స్’ ఖాతాలో పోస్టు పెట్టారు.
Annayya
Many Happy Returns of the day!! @KTRBRS— Kavitha Kalvakuntla (@RaoKavitha) July 24, 2025