Jr NTR-Ram Charan: టాలీవుడ్ సూపర్ స్టార్స్ ఎన్టీఆర్, రామ్ చరణ్ ఈ సమ్మర్‌లో విశ్రాంతికి వీడ్కోలు పలికారు. సాధారణంగా హీరోలు వేసవిలో విదేశీ విహారాలకు వెళ్తుంటారు. కానీ, ఈ ఇద్దరు స్టార్స్ మాత్రం భారీ ప్రాజెక్టులతో ఫుల్ జోష్‌లో ఉన్నారు. ఎన్టీఆర్ తన బిగ్గెస్ట్ వెంచర్ ‘వార్-2’ షూటింగ్‌తో పాటు, ప్రశాంత్ నీల్ దర్శకత్వంలో మరో సినిమా కోసం ఈ నెలలోనే సెట్స్‌పైకి వెళ్తున్నారు. మే నెల వరకూ ఆయన బిజీ బిజీగా గడపనున్నారు. మరోవైపు, గ్లోబల్ ఐకాన్ రామ్ చరణ్ బుచ్చిబాబు రూపొందిస్తున్న ‘పెద్ది’ సినిమాతో స్పీడ్ పెంచారు. వరుస షెడ్యూళ్లతో ఈ చిత్రాన్ని వీలైనంత త్వరగా పూర్తి చేసేందుకు రామ్ చరణ్ కసరత్తు చేస్తున్నారు. ‘వార్-2’, ‘పెద్ది’ చిత్రాలపై ఇప్పటికే అంచనాలు ఆకాశాన్ని తాకుతున్నాయి. ఈ రెండు సినిమాలూ బాక్సాఫీస్‌ను కుదిపేయడం పక్కా అంటున్నారు సినీ నిపుణులు. టాలీవుడ్ అభిమానులకు ఈ సమ్మర్ డబుల్ ధమాకా కావాల్సిందే!
