Japan Airlines: ఇటీవల రోజుల్లో విమాన ప్రయాణాలపై భయాలు పెరుగుతున్నాయి. తరచూ జరిగే విమాన ప్రమాదాలు ప్రజలను ఆందోళనకు గురి చేస్తున్నాయి. అహ్మదాబాద్ విమాన ప్రమాదం ఇంకా జనాల మనసుల్లో భయాన్ని పెంచుతుండగానే… తాజాగా జపాన్‌కి చెందిన ఓ విమానంలో ఘోర ప్రమాదం తప్పింది.
జూన్‌ 30న చైనాలోని షాంగై పుడోంగ్ విమానాశ్రయం నుంచి టోక్యో నరితా ఎయిర్‌పోర్ట్‌కు బయలుదేరిన జపాన్ ఎయిర్‌లైన్స్‌కు చెందిన స్ప్రింగ్ జపాన్ బోయింగ్ 737 విమానం గాల్లో భారీ సాంకేతిక లోపానికి గురైంది. విమానం సాధారణంగా 36,000 అడుగుల ఎత్తులో ప్రయాణిస్తుండగా, ఒక్కసారిగా ఒత్తిడి తక్కువవడంతో 10 నిమిషాల్లోనే 26,000 అడుగులకు దిగిపోయింది.
ఈ ప్రమాద సమయంలో విమానంలో ఉన్న 191 మంది ప్రయాణికులు భయంతో వణికిపోయారు. విమానం ఒక్కసారిగా కిందకి దూసుకుపోతుండటంతో ప్రయాణికులు తమ ప్రాణాలు అరచేతిలో పెట్టుకుని ప్రార్థనలు చేయడం ప్రారంభించారు. కొంతమంది భయంతో తమ కుటుంబసభ్యులకు చివరి సందేశాలు పంపించారు. తమ ఆస్తి వివరాలు, బ్యాంక్ అకౌంట్ నంబర్లు, ఇతర వ్యక్తిగత సమాచారం కూడా మెసేజ్‌లు చేయడం మొదలుపెట్టారు.
విమానంలోని క్యాబిన్ ఒత్తిడి తగ్గడంతో, ఆక్సిజన్ మాస్కులు క్రిందికి వచ్చాయి. ప్రయాణికులు అవి ధరించి ప్రాణాలను రక్షించుకునేందుకు ప్రయత్నించారు. విమాన సిబ్బంది కూడా క్షణక్షణం మారుతున్న పరిస్థితిని సమర్ధంగా Sambhandle చేసి వారికి ధైర్యం చెప్పారు.
ఇది కూడా చదవండి: Royal Train: చారిత్రక ‘ది రాయల్ ట్రైన్’ సేవలకు ముగింపు: బ్రిటన్ రాజు నిర్ణయం!
ఈ ఘట్టంలో ముఖ్యమైన విషయం ఏంటంటే.. పైలట్‌ చాకచక్యంగా వ్యవహరించడం వల్లే ఈ పెను ప్రమాదం తప్పింది. పరిస్థితిని గమనించిన వెంటనే పైలట్‌ విమానాన్ని ఒసాకా, కన్సాయ్ అంతర్జాతీయ విమానాశ్రయానికి మళ్లించి అక్కడ సురక్షితంగా ల్యాండ్ చేశారు.
ఈ సంఘటనకు సంబంధించిన దృశ్యాలు ఇప్పుడు సామాజిక మాధ్యమాల్లో వైరల్ అవుతున్నాయి. విమానం లోపల ప్రయాణికులు భయంతో ఏడుస్తూ, ఆక్సిజన్ మాస్కులతో కూర్చున్న దృశ్యాలు గుండెను కలచివేస్తున్నాయి.
ఎలాంటి ప్రాణనష్టం లేదని స్పష్టం
జపాన్ ఎయిర్‌లైన్స్ అధికారుల ప్రకారం, ఈ సంఘటనలో ఎలాంటి ప్రాణనష్టం జరగలేదని, విమానాన్ని సురక్షితంగా ల్యాండ్ చేయగలిగినందుకు అందరూ ఊపిరి పీల్చుకున్నారని వెల్లడించారు.
సారాంశం
అహ్మదాబాద్ విమాన ప్రమాదం మరువక ముందే, మరోసారి గాల్లో మరణ భయాలు కలిగించిన ఘటన ఇది. విమాన ప్రయాణాలపై ప్రజల భయం ఇంకా పెరుగుతోంది. విమానాల్లో సాంకేతిక లోపాలను సమయానికి గుర్తించి, బాధ్యతగా వ్యవహరించకపోతే గాల్లో ప్రయాణం మృత్యు ప్రయాణంగా మారే ప్రమాదం ఉంది.