JanaSena Party: తెలంగాణ గడ్డపై జనసేన పార్టీని క్షేత్రస్థాయి నుంచి పునర్నిర్మించే దిశగా ఆ పార్టీ అధినేత, ఆంధ్రప్రదేశ్ ఉప ముఖ్యమంత్రి పవన్ కల్యాణ్ కీలక నిర్ణయం తీసుకున్నారు. రాష్ట్రంలో పార్టీ యంత్రాంగాన్ని మరింత పటిష్టం చేయడమే లక్ష్యంగా ప్రస్తుతం ఉన్న అన్ని కమిటీలను రద్దు చేస్తూ సంచలన ఆదేశాలు జారీ చేశారు. పార్టీని సంస్థాగతంగా ప్రక్షాళన చేసి, చురుకైన నాయకత్వాన్ని వెలికితీసేందుకు పవన్ కల్యాణ్ వేసిన ఈ అడుగు ఇప్పుడు రాజకీయ వర్గాల్లో ఆసక్తికరంగా మారింది.
పార్టీ ప్రధాన కార్యదర్శి రామ్ తాళ్లూరి వెల్లడించిన వివరాల ప్రకారం.. గ్రేటర్ హైదరాబాద్ (GHMC), వీరమహిళ, యువజన మరియు విద్యార్థి విభాగాలకు సంబంధించిన పాత కమిటీలన్నీ తక్షణమే రద్దయ్యాయి. వీటి స్థానంలో 30 రోజుల కాలపరిమితితో తాత్కాలికంగా ‘అడ్ హాక్’ (Ad-hoc) కమిటీలను నియమించారు. ఈ తాత్కాలిక కమిటీలకు పార్టీ హైకమాండ్ ఒక స్పష్టమైన మరియు సవాలుతో కూడిన లక్ష్యాన్ని నిర్దేశించింది.
ఇది కూడా చదవండి: kavitha: నాపై కక్ష కట్టారు.. శాసనమండలిలో కవిత కంటతడి!
వచ్చే నెల రోజుల్లో ఈ అడ్ హాక్ కమిటీ సభ్యులు తెలంగాణలోని ప్రతి నియోజకవర్గంతో పాటు, జీహెచ్ఎంసీ పరిధిలోని 300 వార్డుల్లో క్షేత్రస్థాయి పర్యటనలు చేయనున్నారు. ప్రతి వార్డులో పార్టీ సిద్ధాంతాలకు కట్టుబడి ఉండే కనీసం ఐదుగురు చురుకైన కార్యకర్తలను గుర్తించి, వారి జాబితాను పార్టీ ప్రధాన కార్యాలయానికి అందజేయాల్సి ఉంటుంది. ఈ వడపోత ప్రక్రియ ద్వారా నిజమైన కష్టపడే కార్యకర్తలకు గుర్తింపునిస్తూ, రాష్ట్రవ్యాప్తంగా ఒక బలమైన కేడర్ను సిద్ధం చేయడమే జనసేన వ్యూహం.
అడ్ హాక్ కమిటీలు సమర్పించే నివేదికల ఆధారంగా, తెలంగాణలో త్వరలోనే కొత్త శాశ్వత కమిటీలను ప్రకటించనున్నారు. కేవలం నామమాత్రపు పదవులకే పరిమితం కాకుండా, ప్రజల్లో ఉంటూ పార్టీ గళాన్ని వినిపించే బలమైన నాయకత్వాన్ని వార్డు స్థాయి నుంచి రాష్ట్ర స్థాయి వరకు నిర్మించాలని పవన్ కల్యాణ్ భావిస్తున్నారు. ఈ భారీ ప్రక్షాళన ద్వారా తెలంగాణలో జనసేనకు కొత్త ఊపిరి పోయడమే కాకుండా, రాబోయే రాజకీయ సవాళ్లకు పార్టీని సర్వసన్నద్ధం చేసేలా ప్రణాళికలు సిద్ధమవుతున్నాయి.
తెలంగాణ రాష్ట్ర జనసేన కమిటీల రద్దు, వాటి స్థానంలో అడ్ హాక్ కమిటీల నియామకం
• తెలంగాణ రాష్ట్రంలో జనసేన పార్టీని క్షేత్రస్థాయిలో మరింత బలోపేతం చేసే దిశగా, పార్టీ అధ్యక్షులు శ్రీ పవన్ కళ్యాణ్ గారి సూచనల మేరకు కమిటీల్లో మార్పులు చేయాలని నిర్ణయం
• GHMC, వీరమహిళ, యువజన, విద్యార్థి… pic.twitter.com/s7FFwZChV0— JanaSena Party (@JanaSenaParty) January 5, 2026