Tawi River Bridge: జమ్మూకాశ్మీర్ రాష్ట్రంలో గత కొన్ని రోజులుగా కురుస్తున్న భారీ వర్షాలు, వరదల కారణంగా జనజీవనం పూర్తిగా అస్తవ్యస్తమైంది. ఈ అకాల వర్షాల వల్ల 31 మందికి పైగా ప్రాణాలు కోల్పోగా, అనేక మంది గాయపడ్డారు. ముఖ్యంగా దోడాలోని భలీసా ప్రాంతంలో క్లౌడ్ బరస్ట్ (మేఘాల విస్ఫోటనం) సంభవించడంతో కాలువలు పొంగిపొర్లాయి, కొండచరియలు విరిగిపడ్డాయి. దీనివల్ల పలు చోట్ల రోడ్లు, ఇతర మౌలిక వసతులు తీవ్రంగా దెబ్బతిన్నాయి.
తావి నది వంతెన కూలిపోవడం ఈ భారీ వర్షాల ప్రభావం జమ్మూ నగరంలోనూ కనిపించింది. అక్కడ ప్రవహించే తావి నదిపై ఉన్న ఒక వంతెన వరద ఉధృతికి కూలిపోయింది. నదిలో పెరిగిన ప్రవాహం, వేగంగా దూసుకువస్తున్న నీటి కారణంగా వంతెన ఒక్కసారిగా కూలిపోయింది. ఆ సమయంలో వంతెనపై ఉన్న కొన్ని వాహనాలు కిందకి పడిపోయినప్పటికీ, ప్రయాణికులు చాకచక్యంగా తప్పించుకున్నారు. అయితే, కొన్ని వాహనాలు వరద నీటిలో కొట్టుకుపోయి ఉండొచ్చని అంచనా వేస్తున్నారు. ఈ ఘటనపై పూర్తి వివరాలు ఇంకా తెలియాల్సి ఉంది.
భారత్ ముందస్తు హెచ్చరికలు కాశ్మీర్ లోయలో పెరిగిన ప్రవాహాలు, వరదల గురించి భారత ప్రభుత్వం పాకిస్థాన్‌కు ముందస్తు హెచ్చరికలు జారీ చేసింది. ముఖ్యంగా ఏప్రిల్ 22న పహల్గామ్ ఉగ్రవాద దాడి తర్వాత సింధు జలాలను భారతదేశం నిలిపివేసిన నేపథ్యంలో ఈ పరిస్థితి తలెత్తింది. తావి నదిలో భారీ వరదలు వచ్చే అవకాశం ఉందని భారత్ పాకిస్థాన్‌కు సమాచారం అందించిన కొన్ని గంటల తర్వాతే వరదలు వచ్చాయి. భారత్ అందించిన ఈ సమాచారం ఆధారంగానే పాకిస్థాన్ కూడా తమ ప్రజలను అప్రమత్తం చేసిందని ‘ది న్యూస్’ అనే పత్రిక తెలిపింది.
Also Read: Rain Alert: రాష్ట్రంలో మ‌రో మూడు రోజుల పాటు భారీ వర్షాలు
ఈ భారీ వర్షాలపై భారత వాతావరణ శాఖ (IMD) ముందుగానే హెచ్చరించింది. ప్రజలు అప్రమత్తంగా ఉండాలని, అనవసర ప్రయాణాలు మానుకోవాలని సూచించినప్పటికీ, చాలా మంది ప్రజలు ఈ సూచనలను పట్టించుకోకుండా బయటకు రావడం వల్ల నష్ట తీవ్రత పెరిగింది. ఈ భారీ వర్షాల వల్ల కాలువలు, నదులు, నల్లాలు పొంగిపొర్లి, అనేక ప్రాంతాలను ముంచెత్తాయి. గాలులు, వర్షం వల్ల అనేక చోట్ల భీభత్సమైన పరిస్థితులు నెలకొన్నాయి.
జమ్మూకాశ్మీర్లో ప్రస్తుతం సహాయక చర్యలు కొనసాగుతున్నాయి. ప్రభుత్వం, సహాయక బృందాలు వరద ప్రభావిత ప్రాంతాల్లో ప్రజలను సురక్షిత ప్రాంతాలకు తరలిస్తున్నాయి. ప్రజలు సురక్షితంగా ఉండాలని, ప్రభుత్వ సూచనలను పాటించాలని అధికారులు విజ్ఞప్తి చేస్తున్నారు.
As Tawi Bridge began to collapse after heavy rains battered Jammu, the timely intervention of local police and civilians helped save lives today. Kudos to them! The LG administration should recognize and reward them for their presence of mind. @OfficeOfLGJandK @JmuKmrPolice https://t.co/aXtUmF8WC5 pic.twitter.com/SLB51x1TIF
— Shesh Paul Vaid (@spvaid) August 26, 2025