Jabilamma Neeku Antha Kopama OTT: కోలీవుడ్ స్టార్ హీరో ధనుష్ నటుడిగా మాత్రమే కాకుండా దర్శకుడిగా కూడా తన ప్రతిభను చాటిన సంగతి తెలిసిందే. ఆయన దర్శకత్వంలో రూపొందిన తాజా చిత్రం “జాబిలమ్మ నీకు అంత కోపమా”. యంగ్ హీరోయిన్లు పవీష్ నారాయణన్, అనికా సురేంద్రన్ జంటగా నటించిన ఈ యూత్‌ఫుల్ లవ్ స్టోరీ తెలుగు, తమిళ భాషల్లో సమానంగా ఆకట్టుకుంది. ఈ సినిమా ఇటీవలే ఓటీటీలో విడుదలైంది, కానీ తెలుగు వెర్షన్ ఇండియాలో విడుదల విషయంలో ఆలస్యమైంది. ఇండియన్ ఓటీటీ వెర్షన్ కూడా కొంత సస్పెన్స్‌లో ఉండగా, చివరకు తెలుగు వెర్షన్ అమెజాన్ ప్రైమ్ వీడియోలో అందుబాటులోకి వచ్చేసింది. థియేటర్‌లో మిస్ అయినవారు ఇప్పుడు ప్రైమ్ వీడియోలో ఈ చిత్రాన్ని చూడవచ్చు. జీవి ప్రకాష్ ఈ సినిమాకి సంగీతం సమకూర్చగా, ప్రియాంక మోహన్ ఓ స్పెషల్ సాంగ్‌లో మెరిసింది. ఈ చిత్రం యువతను ఆకర్షించే అంశాలతో నిండి ఉండటం విశేషం.
