Ravindra Reddy: డిజిటల్ యుగంలో స్మార్ట్‌ఫోన్ అంటే కేవలం ఫోటోలు, వీడియోల కోసం మాత్రమే కాదు. అది ఒక్కోసారి జీవితాలను బద్దలు కొట్టే ఆయుధం కూడా! ఇక్కడ ఒక్క ఫోటో చూస్తే కథ మొత్తం అర్థం అవుతుంది. ఒక వీరాభిమాని నిజస్వరూపాన్ని బట్టబయలు చేసి, అతని కెరీర్‌ని కూడా కొంపముంచిన స్టోరీ అది. ఆ హీరో మరెవరో కాదు… వైసీపీ డై హార్డ్ ఫ్యాన్, సోషల్ మీడియా సైకోగా పేరొందిన ఇప్పాల రవీంద్రారెడ్డి!
ఇప్పాల రవీంద్రారెడ్డి… ఈ పేరు వినగానే తెలుగు తమ్ముళ్లకు ఒకటే గుర్తొస్తుంది. జగన్‌ని ఎవరైనా చిన్న విమర్శ చేసినా సరే.. నోటికొచ్చినట్లు తిట్టే ఉన్మాది అని. వైసీపీ అధికారంలో ఉన్నన్ని రోజులు ఇప్పాల సోషల్ మీడియాలో రచ్చ రచ్చ చేశాడు. టీడీపీ అధినేత చంద్రబాబు, నారా లోకేష్‌లను టార్గెట్ చేసి… “నీచం అంటే ఇతనే గురు!” అనుకునేలా వ్యాఖ్యలు చేశాడు. కుటుంబ సభ్యులపై కూడా నోరు పారేసుకుని, అడ్డూ అదుపూ లేని ఆరాటం అంటూ ప్రత్యర్థులను ఏకిపారేశాడు. జగన్ కోసం ప్రాణమైనా ఇస్తా! అన్నట్లుగా రెచ్చిపోయాడు. కానీ వైసీపీ ఓడిపోయాక, సైలెంట్ మోడ్‌లోకి వెళ్లిపోయాడు. ఇప్పాల సైలెన్స్‌ని చూసి.. “అధికారం పోతే.. అభిమానం కూడా పోయిందా?” అని అంతా అనుకున్నారు.
Ravindra Reddy: కట్ చేస్తే… సడన్‌గా ఒక రోజు మంత్రి నారా లోకేష్‌తో ఇప్పాల రవీంద్రారెడ్డి నవ్వుతూ కనిపించాడు. ఏపీ ప్రభుత్వం, సిస్కో కంపెనీ మధ్య జరిగిన ఒప్పందంలో ఇతగాడు కూడా పాల్గొన్నాడు. ఆ ఫోటో సోషల్ మీడియాలో వైరల్ కాగానే, తెలుగు తమ్ముళ్లు ఫైర్ అయ్యారు. “ఇప్పాల ఏంటి ఈ డ్రామా? లోకేష్‌ని తిట్టిన నోరుతోనే.. ఇప్పుడు ఆయన పక్కన నిల్చుని నవ్వుతున్నావా?” అంటూ కామెంట్లు పేలాయి. ఇలాంటి వాడిని లోకేష్ దగ్గరకు ఎలా రానిచ్చారంటూ లోకేష్ టీమ్‌పైనా విమర్శలు వచ్చాయి. దీంతో లోకేష్ కూడా ఈ విషయంలో సీరియస్ అయ్యి, “ఇలాంటి వాళ్లతో డీల్ చేయడం మాకు ఇష్టం లేదు!” అంటూ సిస్కోకి లేఖ రాశాడు.
Also Read: Telangana assembly: 11 రోజులు.. 12 బిల్లులు.. వాడీవేడిగా సాగిన ఉభ‌య స‌భ‌లు
ఇక సిస్కో సంస్థ కూడా ఈ మ్యాటర్‌ని సీరియస్‌గా తీసుకుంది. మంగళవారం లోకేష్‌తో ఫోటో దిగిన ఇప్పాల, బుధవారం తెలంగాణ సీఎం రేవంత్ రెడ్డితో సిస్కో టీమ్ చేసుకున్న ఒప్పందాల మీటింగ్‌లో ఎక్కడా కనిపించలేదు. “ఒక్క ఫోటోతో పోస్ట్‌ ఫినిష్!” అన్నట్లుగా, సిస్కో ఉన్నతాధికారులు ఈ సోషల్ మీడియా శాడిస్ట్‌ని సైడ్ చేసినట్లు తెలుస్తోంది. ఇప్పాల నోటి దూల చూసి.. సిగ్గుతో తలదించుకున్న సిస్కో.. అతన్ని పక్కకి నెట్టేసిందని కార్పొరేట్‌ వర్గాల్లో టాక్‌ నడుస్తోంది. మరి ఎంత వరకూ వాస్తవమో ఆ కంపెనీ అధికారికంగా ధృవీకరించాల్సి ఉంది.
Ravindra Reddy: ఇప్పాల రవీంద్రారెడ్డిది సిస్కోలో చిన్నా చితకా పొజిషన్‌ ఏమీ కాదు. ఉన్నత స్థాయి ఉద్యోగిగా ఉన్నాడు. సిస్కోలో దక్షిణాది రాష్ట్రాల అకౌంట్ మేనేజర్‌ ఉద్యోగం ఇతనిది. అంత హై ప్రొఫైల్ జాబ్‌లో ఉంటూ కూడా, సోషల్ మీడియాలో జగన్ కోసం సైకో రవీంద్రలా మారాడు. “జగన్ కోసం జీవితాన్ని ఫణంగా పెట్టాడు, కానీ ఒక్క ఫోటోతో జాబ్‌ని పణంగా పెట్టాడు!” అంటూ ట్రోల్‌ చేస్తున్నారు నెటిజన్లు.