IPL: ఐపీఎల్ 2025లో శనివారం జరిగిన మ్యాచ్‌లో ఢిల్లీ క్యాపిటల్స్ కెప్టెన్ కేఎల్ రాహుల్ అద్భుతమైన ఇన్నింగ్స్‌తో ఆకట్టుకున్నారు. గుజరాత్ టైటాన్స్‌తో జరిగిన ఈ మ్యాచ్‌లో రాహుల్ కేవలం 60 బంతుల్లోనే సెంచరీ నమోదు చేసి, జట్టును భారీ స్కోరు వైపు నడిపించారు.
రాహుల్ ధాటిగా ఆడుతూ, బౌండరీల వర్షం కురిపించారు. ఇది ఆయన ఐపీఎల్ కెరీర్‌లో ఐదో శతకంగా నమోదైంది. రాహుల్ శతకం చేయడంతో ఢిల్లీ క్యాపిటల్స్ నిర్ణీత 20 ఓవర్లలో 199 పరుగులు చేశారు.
ఈ మ్యాచ్‌లో గుజరాత్ టైటాన్స్‌కు 200 పరుగుల భారీ లక్ష్యం ముందుంది. రాహుల్ తన బ్యాటింగ్‌తో అభిమానులను కట్టిపడేస్తూ మరోసారి తాను క్లాస్ ప్లేయర్ అని నిరూపించుకున్నారు.
ఈ మ్యాచ్ ఫలితం ఏ దిశగా తేలుతుందో వేచి చూడాలి. కానీ కేఎల్ రాహుల్ సత్తా చాటిన ఇన్నింగ్స్ మాత్రం ఐపీఎల్ చరిత్రలో మరో మైలురాయిగా నిలిచే అవకాశం ఉంది.