The Girlfriend Trailer: తెలుగు, హిందీలో వరుస బ్లాక్‌బస్టర్‌లతో దూసుకుపోతున్న నేషనల్ క్రష్ రష్మిక మందన్నా, ఇప్పుడు తన కెరీర్‌లో ఓ లేడీ ఓరియెంటెడ్ ప్రాజెక్ట్‌తో ప్రేక్షకులను పలకరించడానికి సిద్ధమైంది. రష్మిక ప్రధాన పాత్రలో నటిస్తున్న తాజా చిత్రం ‘ది గర్ల్ఫ్రెండ్’ యొక్క ట్రైలర్‌ను చిత్ర బృందం విడుదల చేసింది.
ఎమోషనల్గా ‘ది గర్ల్ఫ్రెండ్’ ట్రైలర్
నటుడు-దర్శకుడు రాహుల్ రవీంద్రన్ దర్శకత్వం వహిస్తున్న ఈ సినిమా షూటింగ్ పనులు ఇప్పటికే పూర్తయ్యాయి. ఈ చిత్రం నవంబర్ 7వ తేదీన థియేటర్లలో గ్రాండ్‌గా విడుదల కాబోతోంది. తాజాగా విడుదలైన ట్రైలర్ ఎమోషనల్గా సాగింది. “మనం చిన్న బ్రేక్ తీసుకుందామా…” అంటూ రష్మిక చెప్పే డైలాగ్‌తో ప్రారంభమైన ట్రైలర్, యువతరం ప్రేమలో ఉండే ఎమోషనల్ పాయింట్‌ను హైలైట్ చేసింది.
ఈ చిత్రంలో రష్మిక ప్రియుడి పాత్రలో కన్నడ నటుడు దీక్షిత్ శెట్టి నటిస్తున్నారు. వీరితో పాటు అను ఇమ్మాన్యుయేల్, రావు రమేష్, రోహిణి వంటి నటీనటులు కీలక పాత్రలు పోషిస్తున్నారు.
Also Read: SSMB29 మ్యూజిక్ మాయ.. కీరవాణి టీమ్ రెడీ!
భారీ ధరకు ఓటీటీ రైట్స్
‘ది గర్ల్ఫ్రెండ్’ చిత్రంపై ప్రేక్షకుల్లో అంచనాలు భారీగా ఉండటంతో, ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ ఈ సినిమా డిజిటల్ హక్కులను రూ.14 కోట్లకు కొనుగోలు చేసింది.
ఈ చిత్రాన్ని విద్యా కొప్పినీడి, ధీరజ్ మొగిలినేని నిర్మిస్తుండగా, ప్రముఖ నిర్మాత అల్లు అరవింద్ గీతా ఆర్ట్స్ బ్యానర్‌పై సమర్పిస్తున్నారు. హేషామ్ అబ్దుల్ వహాబ్ సంగీతం అందిస్తున్న ఈ సినిమా పాటలు ప్రేక్షకులను అలరిస్తాయని చిత్ర యూనిట్ ధీమా వ్యక్తం చేసింది. రష్మిక కెరీర్‌లో ‘యానిమల్’, ‘పుష్ప 2’, ‘ఛావా’, ‘థామా’ వంటి వరుస బ్లాక్‌బస్టర్‌ల తర్వాత వస్తున్న ఈ చిత్రంపై అభిమానుల్లో భారీ అంచనాలు నెలకొన్నాయి.