Hyderabad: తెలంగాణ రాజకీయ పరిణామాల్లో మరో కీలక పరిణామం చోటుచేసుకుంది. పార్టీ ఫిరాయింపు కేసులో ఉన్న ఎమ్మెల్యేలు స్పీకర్‌ను కలిసి వివరణ ఇచ్చే అవకాశంపై చర్చించారు. ఈ భేటీలో కడియం శ్రీహరి, ఆరికెపూడి గాంధీ, ప్రకాశ్ గౌడ్, కాలె యాదయ్య పాల్గొన్నారు. అలాగే శాసనసభ వ్యవహారాల మంత్రి శ్రీధర్‌బాబు కూడా సమావేశంలో హాజరయ్యారు.
కడియం శ్రీహరి తనపై ఉన్న కేసుకు సంబంధించి వివరణ సమర్పించేందుకు ఈ నెల 30 వరకు గడువు ఇవ్వాలని స్పీకర్‌ను కోరారు. ఇదిలావుంటే, అక్టోబర్ 6 నుంచి 23 వరకు స్పీకర్ గడ్డం ప్రసాద్‌ విదేశీ పర్యటనకు వెళ్లనున్నారని తెలిసింది. దీంతో ఈ వ్యవహారంపై తుది నిర్ణయం తీసుకునే ప్రక్రియలో మరింత ఆలస్యం చోటుచేసుకునే అవకాశముంది.
ఈ పరిణామాలు ఫిరాయింపు కేసులపై రాబోయే రోజుల్లో రాజకీయ వాతావరణాన్ని మరింత వేడెక్కించేలా కనిపిస్తున్నాయి
.