Hyderabad: హైదరాబాద్ నగరంలో ఆదివారం సాయంత్రం వర్షం దంచికొట్టింది. నగరంలోని పలు ప్రాంతాలు ఒక్కసారిగా వర్షం బారిన పడి జలమయమయ్యాయి. కుషాయిగూడ, కాప్రా, ఏఎస్‌రావు నగర్‌, చర్లపల్లి పరిసరాల్లో వర్షం కురిసింది. అలాగే ముషీరాబాద్‌, చిక్కడపల్లి, నారాయణగూడ, హిమాయత్‌నగర్‌, అబిడ్స్, కోఠి, నాంపల్లి ప్రాంతాలు కూడా వర్షంతో తడిసి ముద్దయ్యాయి.
లక్డీకాపూల్‌, మల్కాజ్‌గిరి, నేరేడ్‌మెట్ ప్రాంతాల్లోనూ మోస్తరు నుంచి భారీ వర్షం కురిసింది. గోల్కొండ, నార్సింగి, మణికొండ, టోలిచౌకి, అత్తాపూర్, జియాగూడ ప్రాంతాలు కూడా వర్షానికి తడిసి పోయాయి. ఈ వర్షం కారణంగా ప్రధాన రహదారులన్నీ జలమయమై, రాకపోకలకు తీవ్ర ఆటంకం ఏర్పడింది.
వర్షంతో ఎక్కడికక్కడ నీటిమునిగిన రహదారులు, ట్రాఫిక్ జామ్‌లు ఏర్పడగా, లోతట్టు ప్రాంతాల్లో నీటిమునకలు నమోదు అయ్యాయి. వర్షం ఇంకా కొనసాగుతుండటంతో ప్రజలు ఇబ్బందులు ఎదుర్కొంటున్నారు.