Horoscope: జూన్ 27, 2025 శుక్రవారం నాడు వివిధ రాశుల వారికి ఆర్థికంగా, వృత్తిపరంగా ఎలాంటి ఫలితాలు ఉండబోతున్నాయో జ్యోతిష్య నిపుణులు వెల్లడించారు. మేషం, వృషభం, మిథునం రాశుల వారికి శుభ సూచికలు ఉన్నాయని, ఇతర రాశుల వారికి కూడా మిశ్రమ ఫలితాలు ఉంటాయని తెలుస్తోంది. ఈ శుక్రవారం 12 రాశుల వారికి ఎలా ఉండబోతుందో చూద్దాం.
మేష రాశి (అశ్విని, భరణి, కృత్తిక 1): ఈ రోజు మేష రాశి వారికి ఆర్థిక పరిస్థితి చాలా బాగుంటుంది. ఆదాయం గణనీయంగా పెరుగుతుంది. ఉద్యోగంలో అధికారులు మీపై ఎక్కువగా ఆధారపడతారు. వృత్తి, వ్యాపారాలు సంతృప్తికరంగా సాగుతాయి. కొత్త పరిచయాలు లాభాన్ని చేకూరుస్తాయి. నిరుద్యోగులకు మంచి ఉద్యోగాలు లభించే అవకాశం ఉంది. వివాహ ప్రయత్నాలు కూడా అనుకూలిస్తాయి. ఆరోగ్యం బాగానే ఉంటుంది.
వృషభ రాశి (కృత్తిక 2,3,4, రోహిణి, మృగశిర 1,2): వృషభ రాశి వారికి ఆర్థికంగా చాలా మంచి రోజు. డబ్బు సంపాదించే ప్రయత్నాలు సఫలమవుతాయి. ప్రయాణాల వల్ల లాభాలుంటాయి. ఉద్యోగంలో బాధ్యతలు పెరిగే అవకాశం ఉంది. నిరుద్యోగులకు దూర ప్రాంతాల నుంచి ఉద్యోగావకాశాలు వస్తాయి. కుటుంబ విషయాల్లో మీ భాగస్వామి సలహా తీసుకోవడం మంచిది. మంచి వార్తలు వింటారు.
మిథున రాశి (మృగశిర 3,4, ఆర్ద్ర, పునర్వసు 1,2,3): మిథున రాశి వారికి ఉద్యోగంలో అధికారుల మద్దతు లభిస్తుంది. వృత్తి జీవితం సానుకూలంగా ఉంటుంది. వ్యాపారాల్లో పెట్టుబడులకు తగిన లాభాలు వస్తాయి. నిరుద్యోగులకు కొత్త అవకాశాలు అందుతాయి. వివాహ ప్రయత్నాలు విజయవంతమవుతాయి. వ్యక్తిగత సమస్యలు పరిష్కారమవుతాయి. ఆదాయానికి లోటు ఉండదు, కానీ ఖర్చులు పెరుగుతాయి. ప్రముఖులతో పరిచయాలు ఏర్పడతాయి.
కర్కాటకం (పునర్వసు 4, పుష్యమి, ఆశ్లేష): ఉద్యోగ, వ్యాపారాలు సాఫీగా సాగుతాయి. ఆస్తి వివాదాల్లో బంధువులతో జాగ్రత్తగా ఉండాలి. ఆర్థికంగా కొంత మెరుగుదల ఉంటుంది. స్నేహితుల వల్ల డబ్బు నష్టపోయే అవకాశం ఉంది, జాగ్రత్త. ఆహార విషయంలో అప్రమత్తంగా ఉండాలి. నిరుద్యోగులకు ఉద్యోగం లభించే అవకాశం ఉంది.
సింహం (మఖ, పుబ్బ, ఉత్తర 1): ఉద్యోగులకు పనిభారం పెరుగుతుంది, అదనపు బాధ్యతలు రావొచ్చు. వృత్తి, వ్యాపారాలు లాభదాయకంగా ఉంటాయి. ఆర్థికంగా సంతృప్తికరంగా ఉంటుంది. కుటుంబంలో బంధువుల జోక్యం ఇబ్బంది కలిగిస్తుంది. రుణ సమస్యల నుంచి విముక్తి లభిస్తుంది. నిరుద్యోగులకు ఆశించిన అవకాశాలు వస్తాయి. డబ్బు విషయంలో ఎవరికీ మాట ఇవ్వొద్దు.
కన్య (ఉత్తర 2,3,4, హస్త, చిత్త 1,2): ఉద్యోగంలో అధికారుల నుంచి ఆదరణ లభిస్తుంది. కొత్త బాధ్యతలు చేపట్టే అవకాశం ఉంది. వ్యాపారాల్లో లాభాలు వస్తాయి. ఆర్థిక పరిస్థితి అనుకూలంగా ఉంటుంది. రుణ సమస్యలు తగ్గుతాయి. రావలసిన డబ్బు వసూలు అవుతుంది. అనారోగ్యం నుంచి ఉపశమనం లభిస్తుంది. నిరుద్యోగులు శుభవార్త వింటారు.
Also Read: Aashadam Bonalu 2025: నేటి నుండి ఆషాడ మాసం బోనాల ఉత్సవాలు ప్రారంభం..
తుల (చిత్త 3,4, స్వాతి, విశాఖ 1,2,3): వృత్తి, ఉద్యోగాల్లో ప్రాధాన్యత, హోదా పెరుగుతాయి. వ్యాపారాల్లో శ్రమ ఎక్కువైనా ఫలితం ఉంటుంది. వివాహం, ఉద్యోగ ప్రయత్నాల్లో శుభవార్తలు వింటారు. ఆదాయానికి లోటు ఉండదు. కుటుంబ సభ్యుల సహాయంతో ఆస్తి, ఆర్థిక వ్యవహారాలు చక్కబడతాయి. దుస్తులు, నగలు కొనుగోలు చేస్తారు. ఆరోగ్యం బాగానే ఉంటుంది.
వృశ్చికం (విశాఖ 4, అనూరాధ, జ్యేష్ట): ఉద్యోగాల్లో పనిభారం పెరిగి విశ్రాంతి కరువవుతుంది. వ్యాపారాలు స్థిరంగా కొనసాగుతాయి. ఆర్థికంగా కొంత మెరుగుపడుతుంది. ప్రతి పని ఆలస్యం అవుతుంది. నిరుద్యోగులకు మంచి అవకాశాలు వస్తాయి. అనవసర పరిచయాలకు దూరంగా ఉండాలి. ఆరోగ్యం మెరుగ్గా ఉంటుంది.
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగంలో మంచి గుర్తింపు, అధికారుల ప్రోత్సాహం లభిస్తాయి. వృత్తి, వ్యాపారాల్లో డిమాండ్ పెరుగుతుంది. అనేక విధాలుగా ఆదాయం పెరుగుతుంది. ఆస్తి సమస్యలు పరిష్కారమవుతాయి. అకస్మాత్తుగా ధనలాభం కలుగుతుంది. అనవసర ఖర్చులు తగ్గించుకోవడం మంచిది.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఉద్యోగంలో అధికారులను ఆకట్టుకుంటారు. వృత్తి, వ్యాపారాల్లో లాభాలు పెరుగుతాయి. రుణ సమస్యలు తగ్గుతాయి. ఆదాయం స్థిరంగా ఉంటుంది. బంధుమిత్రులతో తొందరపడొద్దు. ఆర్థిక విషయాల్లో జీవిత భాగస్వామి సలహా తీసుకోండి. నిరుద్యోగులు శుభవార్త వింటారు.
కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి, ఉద్యోగాల్లో బాధ్యతలు పెరిగి తీరిక లేకుండా ఉంటారు. అధికారుల నుంచి ప్రోత్సాహం లభిస్తుంది. ఆర్థిక, ఆరోగ్య పరిస్థితులు అనుకూలంగా ఉంటాయి. పొరుగు వారితో జాగ్రత్తగా వ్యవహరించాలి. ఉద్యోగ, వివాహ ప్రయత్నాల్లో కొన్ని అడ్డంకులు ఉండవచ్చు. ఎవరినీ గుడ్డిగా నమ్మవద్దు.
మీనం (పూర్వాభాద్ర 4, ఉత్తరాభాద్ర, రేవతి): ఉద్యోగ జీవితం సాఫీగా సాగుతుంది, బాధ్యతలు మారే అవకాశం ఉంది. వృత్తి జీవితంలో తీరిక ఉండదు. వ్యాపారాల్లో లాభాలు పెరుగుతాయి. వ్యక్తిగత సమస్యలు పరిష్కారమవుతాయి. ఆదాయం స్థిరంగా ఉన్నా ఖర్చులు పెరుగుతాయి. ఆస్తి వివాదాలు కొద్దిగా ఇబ్బంది పెడతాయి. ఉద్యోగ, వివాహ ప్రయత్నాలు సఫలమవుతాయి.