Horoscope Today: నేడు, జూలై 17, 2025 గురువారం నాడు, 12 రాశుల వారికి ఏయే శుభాలు, అశుభాలు ఎదురవుతాయో జ్యోతిష్య నిపుణులు వివరించారు. ఈ రోజు మీ రాశిఫలాలు ఎలా ఉన్నాయో చూద్దాం.
మేషం:
మేష రాశి వారికి నేడు శుభదినం. చేపట్టిన పనులు విజయవంతంగా పూర్తవుతాయి. మానసిక ప్రశాంతత లభిస్తుంది. లక్ష్య సాధనలో ఆత్మీయుల సహాయం లభిస్తుంది. ఆర్థికంగా కూడా మంచి లాభాలున్నాయి. ఉద్యోగ, వివాహ ప్రయత్నాలకు అనుకూలం. గురు ధ్యానం మేలు.
వృషభం:
వృషభ రాశి వారికి కెరీర్, ఉద్యోగం, వ్యాపార రంగాల్లో శుభవార్తలు వినిపిస్తాయి. చుట్టూ సంతోషకరమైన వాతావరణం నెలకొంటుంది. కుటుంబంలో సుఖ సంతోషాలుంటాయి. ఉద్యోగంలో జీతాలు పెరిగే అవకాశం ఉంది. ఇష్టదైవ దర్శనం ఉత్తమం.
మిథునం:
మిథున రాశి వారు చిత్తశుద్ధితో పనిచేసి అనుకున్నది సాధిస్తారు. ఉద్యోగంలో ఆత్మవిశ్వాసం తగ్గకుండా చూసుకోవాలి. మీ స్వధర్మం మిమ్మల్ని కాపాడుతుంది. బంధుమిత్రులతో ఆనందంగా గడుపుతారు. ఆర్థిక పరిస్థితి సంతృప్తికరంగా ఉంటుంది. సూర్య ఆరాధన శుభప్రదం. ఇతరులను గుడ్డిగా నమ్మకండి.
కర్కాటకం:
కర్కాటక రాశి వారికి ఇది మిశ్రమ కాలం. మీ రంగాల్లో స్థిరమైన ఆలోచనలు శక్తినిస్తాయి. వ్యాపారంలో మోసపోకుండా ముందుచూపుతో వ్యవహరించాలి. సమయానికి సహాయం చేసేవారు ఉంటారు. ఉద్యోగంలో హోదా, జీతాలు పెరిగే అవకాశం ఉంది. నవగ్రహ ధ్యానం మంచిది.
సింహం:
సింహ రాశి వారికి గ్రహబలం తక్కువగా ఉంది. ఉత్సాహం తగ్గకుండా పనిచేయాలి. ఏదీ మనసుకు తీసుకోవద్దు. దైవబలం రక్షిస్తుంది. ఆరోగ్యం విషయంలో శ్రద్ధ అవసరం. నవగ్రహ శ్లోకాలు చదవడం మంచిది. పని భారం పెరిగే అవకాశం ఉంది.
కన్య:
కన్య రాశి వారికి ముఖ్యమైన విషయాల్లో తోటివారి సహాయంతో అనుకున్నది లభిస్తుంది. మీ కీర్తి ప్రతిష్టలు పెరుగుతాయి. ముఖ్యమైన పనులు ప్రారంభించే ముందు తల్లిదండ్రుల ఆశీర్వాదం తీసుకోవడం మంచిది. ఉద్యోగ జీవితం సాఫీగా సాగుతుంది. రవి, కుజ అష్టోత్తర శతనామావళి చదవడం మంచిది.
Also Read: Hot Water: ఉదయం వేడి నీళ్లు ఎలా తాగితే మంచిది?
తుల:
తుల రాశి వారికి ప్రయత్నాలు ఫలిస్తాయి. మీ పనితీరుకు ప్రశంసలు లభిస్తాయి. కొత్త వస్తువులు కొనుగోలు చేస్తారు. బంధువులతో ఆనందంగా గడుపుతారు. ముఖ్య కార్యక్రమాల్లో అప్రమత్తంగా ఉండాలి. ఇష్టదైవాన్ని స్మరించాలి. ఆర్థికంగా మంచి ఫలితాలు ఉంటాయి.
వృశ్చికం:
వృశ్చిక రాశి వారికి ప్రారంభించిన పనులలో ఆటంకాలు ఎదురైనా, వాటిని అధిగమించే ప్రయత్నం చేస్తారు. ఆర్థిక ఫలితాలు బాగుంటాయి. ఉద్యోగంలో బాగా శ్రమించాలి. మనోబలం తగ్గకుండా చూసుకోవాలి. సూర్య ఆరాధన శ్రేయస్సును ఇస్తుంది. రావలసిన డబ్బు చేతికి అందుతుంది.
ధనుస్సు:
ధనుస్సు రాశి వారికి ప్రారంభించిన పనులలో చిన్న సమస్యలు ఎదురైనా పూర్తి చేయగలుగుతారు. అలసట పెరుగుతుంది. మీ మనోధైర్యం మిమ్మల్ని గెలిపిస్తుంది. రవి ధ్యానం ఉత్తమం. ఉద్యోగ, వివాహ ప్రయత్నాలకు అనుకూలం. ఇతరులను గుడ్డిగా నమ్మకండి.
మకరం:
మకర రాశి వారికి వృత్తి, ఉద్యోగాల్లో ప్రారంభించిన పనులను విజయవంతంగా పూర్తి చేస్తారు. ఒక శుభవార్త మీ ఆత్మవిశ్వాసాన్ని పెంచుతుంది. కీర్తి ప్రతిష్టలు పెరుగుతాయి. ప్రయాణాలు అనుకూలిస్తాయి. ఇష్టదేవతా ఆరాధన శ్రేయస్సును ఇస్తుంది. ఆర్థిక వ్యవహారాలు సంతృప్తికరంగా ఉంటాయి.
కుంభం:
కుంభ రాశి వారికి శ్రమకు తగిన ఫలితాలు ఉంటాయి. బంధుమిత్రులతో కలిసి ఆనందంగా గడుపుతారు. ముఖ్యమైన విషయాలను సాగదీయకండి, త్వరగా పూర్తయ్యేలా ప్రణాళికను సిద్ధం చేయండి. ఇష్టదైవ ధ్యానం శుభప్రదం. ఉద్యోగ, వివాహ ప్రయత్నాల్లో శుభవార్తలు వింటారు.
మీనం:
మీన రాశి వారికి మీ స్వధర్మం మిమ్మల్ని కాపాడుతుంది. ఆర్థిక లాభాలు ఉంటాయి. ధైర్యంగా చేసే పనులన్నీ ఫలిస్తాయి. ఆధ్యాత్మిక కార్యక్రమాలలో పాల్గొంటారు. శ్రీ విష్ణు ఆరాధన శక్తిని ఇస్తుంది. దూర ప్రాంతంలో ఉద్యోగం లభించే అవకాశం ఉంది.