Horoscope: జ్యోతిష్య శాస్త్రం ప్రకారం, భాద్రపద మాసం శుక్ల పక్షం, శుక్రవారం రోజున ద్వాదశ రాశులపై చంద్రుడు తులా రాశిలో సంచరించడం వల్ల, స్వాతి నక్షత్ర ప్రభావం ఉంటుంది. ఈ రోజు ఏర్పడే నవ పంచమ యోగం, బ్రహ్మ యోగం కారణంగా కొన్ని రాశులకు లక్ష్మీదేవి అనుగ్రహం లభిస్తుంది. మరికొన్ని రాశులకు మిశ్రమ ఫలితాలు ఉండవచ్చు. ఈ రోజు మీ భవిష్యత్తు ఎలా ఉండబోతోందో తెలుసుకుందాం.
మేషం: ఈ రాశి వారికి ఈ రోజు కొంత మిశ్రమ ఫలితాలు ఉంటాయి. కుటుంబ సభ్యులతో ఆనందాన్ని పంచుకుంటారు. ఆర్థికంగా మంచి ఫలితాలు ఉంటాయి. ఉద్యోగంలో బాధ్యతలు పెరుగుతాయి కానీ ఆదాయానికి లోటు ఉండదు. మీ తెలివితేటలు మీకు లాభం తెచ్చిపెడతాయి. కొత్త ప్రయత్నాలు చేపడతారు. తోబుట్టువులతో ఆస్తి సమస్యలు పరిష్కారమయ్యే అవకాశం ఉంది. ఆరోగ్యం బాగానే ఉంటుంది.
వృషభం: ఈ రోజు మీకు శుభవార్త వింటారు. భవిష్యత్తు కోసం ప్రణాళికలు వేస్తారు. బంధువులతో సంబంధాలు మెరుగవుతాయి. వస్త్ర, ధన లాభాలు ఉంటాయి. వ్యాపారంలో లాభాలు పెరుగుతాయి. ఉద్యోగంలో అదనపు బాధ్యతలు ఉంటాయి. ఆస్తి వివాదాలు పరిష్కారమవుతాయి. ఆర్థిక పరిస్థితి మెరుగ్గా ఉంటుంది.
మిథునం: ఇది మీకు శుభకాలం. మీరు ప్రారంభించే పనులు మంచి ఫలితాలనిస్తాయి. మిత్రుల సహకారం లభిస్తుంది. ఆర్థికంగా లాభాలు ఉంటాయి. డాక్టర్లు, లాయర్ల వంటి వృత్తుల వారికి ఆదాయం పెరుగుతుంది. వ్యాపారాలు పుంజుకుంటాయి. అయితే, జీవిత భాగస్వామి ఆరోగ్యంపై శ్రద్ధ పెట్టాలి. నిరుద్యోగులకు శుభవార్తలు వినిపిస్తాయి.
కర్కాటకం: గతంలో నిర్లక్ష్యం చేసిన కొన్ని విషయాలు ఇప్పుడు సమస్యలను సృష్టించవచ్చు. కొన్ని పరిస్థితులు మిమ్మల్ని నిరుత్సాహపరుస్తాయి. కలహ సూచన ఉంది, జాగ్రత్తగా ఉండాలి. ఉద్యోగంలో మీ పనితీరుతో అధికారులను ఆకట్టుకుంటారు. ఆర్థికంగా స్థిరంగా ఉంటారు. నిరుద్యోగులకు ఉద్యోగ యోగం ఉంది.
సింహం: పనులలో ఆశించిన ఫలితాల కోసం కష్టపడాలి. ఇంటా బయటా ఒత్తిడి ఉంటుంది. జీతాలు పెరిగే సూచనలు ఉన్నాయి. నిరుద్యోగులకు మంచి ఉద్యోగావకాశాలు లభిస్తాయి. ఆరోగ్యం విషయంలో జాగ్రత్తగా ఉండాలి, సమయానికి నిద్రాహారాలు తప్పనిసరి.
కన్య: మీ ప్రయత్నాలు ఫలిస్తాయి. మీకు అప్పగించిన బాధ్యతలను సమర్థవంతంగా నిర్వర్తిస్తారు. ఆర్థిక వ్యవహారాలు మెరుగ్గా ఉంటాయి. ఆస్తి వివాదం పరిష్కారమవుతుంది. ఉద్యోగంలో పనిభారం తగ్గుతుంది, హోదా పెరిగే అవకాశం ఉంది. ప్రయాణాలలో జాగ్రత్త అవసరం.
తుల: వృత్తి, ఉద్యోగ, వ్యాపార రంగాలలో అనుకూల ఫలితాలు ఉంటాయి. తెలివితేటలతో కీలక పనులను పూర్తి చేస్తారు. ఆదాయం పెరుగుతుంది, ఆదాయ మార్గాలు విస్తరిస్తాయి. ఇతరులకు సహాయం చేసే స్థితిలో ఉంటారు. డాక్టర్లు, లాయర్లు, రియల్ ఎస్టేట్ వారికి సమయం అనుకూలంగా ఉంటుంది.
వృశ్చికం: మీ శక్తి సామర్థ్యాలు పెరుగుతాయి. మీరు స్వయంగా అభివృద్ధి చెంది మంచి ఫలితాలు పొందుతారు. ఉద్యోగంలో కొత్త ప్రోత్సాహకాలు లభిస్తాయి. నిరుద్యోగులకు మంచి ఉద్యోగావకాశాలు వస్తాయి. అదనపు ఆదాయం కోసం చేసే ప్రయత్నాలు ఫలిస్తాయి. పెళ్లి ప్రయత్నాలు అనుకూలిస్తాయి.
ధనుస్సు: మీకు ధర్మసిద్ధి ఉంది. బంధువుల సహకారం లభిస్తుంది. ఒక శుభవార్త మనోధైర్యాన్ని పెంచుతుంది. సమాజంలో పేరు ప్రఖ్యాతులు పెరుగుతాయి. వృత్తి, వ్యాపారాలు ఉత్సాహంగా సాగుతాయి. ఉద్యోగంలో సానుకూల మార్పులు ఉంటాయి. ఆస్తి వివాదాలు పరిష్కారమవుతాయి.
మకరం: మీకు మిశ్రమ ఫలితాలు ఉంటాయి. పనులలో ఆటంకాలు ఎదురైనా వాటిని అధిగమించడానికి ప్రయత్నిస్తారు. ఉద్యోగులకు సమయం బాగా అనుకూలంగా ఉంది. అదనపు ఆదాయ ప్రయత్నాలు విజయవంతమవుతాయి. అనవసర ఖర్చులు తగ్గించుకోవడం మంచిది. పిల్లలు చదువుల్లో రాణిస్తారు.
కుంభం: మీకు దైవబలం ఉంది. మీ ప్రయత్నాలు ఫలిస్తాయి. వ్యాపారంలో మంచి లాభాలు వస్తాయి. ఉద్యోగంలో శ్రమ పెరగకుండా చూసుకోవాలి. ఇంటా బయటా బాధ్యతల ఒత్తిడి ఎక్కువగా ఉంటుంది. దైవకార్యాల మీద ఖర్చు చేస్తారు.
మీనం: ఉద్యోగంలో పనిభారం పెరిగి విశ్రాంతి తగ్గుతుంది. వృత్తి జీవితంలో డిమాండ్ పెరుగుతుంది. ఆదాయానికి సమానంగా ఖర్చులు పెరుగుతాయి. వ్యాపారంపై శ్రద్ధ పెంచాలి. నిరుద్యోగులకు మంచి స్పందన లభిస్తుంది. ఆహార నియమాలను పాటించడం మంచిది. బంధువులతో అపార్థాలు తలెత్తే అవకాశం ఉంది.