Horoscope: డిసెంబర్ 31, 2025 – కొత్త ఏడాదికి స్వాగతం పలికే తరుణంలో, ఈ ఏడాది చివరి రోజైన బుధవారం ద్వాదశ రాశుల వారి జాతక గమనం ఆసక్తికరంగా మారింది. గ్రహ గతుల ఆధారంగా నేడు ఎవరికి అదృష్టం వరిస్తుంది, ఎవరు జాగ్రత్తగా ఉండాలో ఇప్పుడు తెలుసుకుందాం.
మేష రాశి: నేడు మీకు ఉద్యోగ రంగంలో విశేషమైన గుర్తింపు లభిస్తుంది. అధికారులతో సంబంధాలు మెరుగుపడటమే కాకుండా కొత్త వాహన కొనుగోలు ప్రయత్నాలు ఒక కొలిక్కి వస్తాయి. ఆస్తి వివాదాలు పరిష్కారమై మనశ్శాంతి లభిస్తుంది. శ్రీరామ నామ జపం మీకు మరింత మేలు చేస్తుంది.
వృషభ రాశి: వృషభ రాశి వారికి కాలం ఎంతో ఉత్సాహంగా గడుస్తుంది. మీ పనితీరుతో అధికారులను మెప్పిస్తారు. ఇంట్లో శుభకార్యాల పట్ల చర్చలు జరుగుతాయి. ఆదాయం గణనీయంగా పెరిగే అవకాశం ఉంది. ఇష్టదైవ ప్రార్థనతో విజయం మీ సొంతమవుతుంది.
మిథున రాశి: అదనపు బాధ్యతలు పెరిగినప్పటికీ పట్టుదలతో పనులను పూర్తి చేస్తారు. నిరుద్యోగులకు శుభవార్తలు అందుతాయి. బంధువులతో ఉన్న చిన్నపాటి మనస్పర్థలు తొలగిపోతాయి. దైవ దర్శనం మీకు ధైర్యాన్ని, ఆత్మవిశ్వాసాన్ని ఇస్తుంది.
కర్కాటక రాశి: ముఖ్యమైన పనుల్లో కొంత జాప్యం జరిగినా చివరికి మీ చాకచక్యంతో విజయం సాధిస్తారు. అధికారులతో మాట్లాడేటప్పుడు జాగ్రత్త వహించాలి. అనవసర ఖర్చులు తగ్గించుకోవడం మంచిది. శివ అష్టోత్తర పారాయణ చేయడం వల్ల మనశ్శాంతి కలుగుతుంది.
సింహ రాశి: పనిభారం ఒకింత ఎక్కువగా ఉన్నా, కుటుంబ సభ్యుల ప్రోత్సాహంతో ఉత్సాహంగా గడుపుతారు. పెళ్లి ప్రయత్నాలు ఫలించే సూచనలు ఉన్నాయి. ఏదైనా నిర్ణయం తీసుకునే ముందు అనుభవజ్ఞుల సలహా తీసుకోవడం ఉత్తమం. శ్రీలక్ష్మీ సహస్ర నామ పఠనం శుభప్రదం.
కన్యా రాశి: సమాజంలో గౌరవ మర్యాదలు పెరుగుతాయి. పిల్లల చదువుల విషయంలో కీలక నిర్ణయాలు తీసుకుంటారు. ఆరోగ్యం నిలకడగా ఉంటుంది. ఆదాయానికి లోటు ఉండదు. శ్రీ విష్ణు సహస్రనామ పారాయణ మీకు శాంతిని ఇస్తుంది.
తులా రాశి: వ్యాపార రంగంలో ఉన్న వారికి లాభాలు చేకూరుతాయి. స్థిరాస్తి క్రయవిక్రయాల్లో పురోగతి కనిపిస్తుంది. ఇతరుల వివాదాలకు దూరంగా ఉండటం మంచిది. ఆంజనేయ స్వామి దర్శనం వల్ల మీకు అన్ని కార్యాల్లో విజయం లభిస్తుంది.
వృశ్చిక రాశి: వృత్తి, వ్యాపారాల్లో మీ కష్టానికి తగిన ప్రతిఫలం దక్కుతుంది. ప్రయాణాల్లో అప్రమత్తంగా ఉండాలి. బంధుమిత్రులకు సహాయ సహకారాలు అందిస్తారు. ఇష్టదైవ ప్రార్థన వల్ల మానసిక ప్రశాంతత, ధైర్యం పొందుతారు.
ధనుస్సు రాశి: చాలా కాలంగా పెండింగ్లో ఉన్న పనులు పూర్తవుతాయి. మొండి బాకీలు వసూలై ఆర్థికంగా స్థిరపడతారు. జీవిత భాగస్వామి మద్దతుతో ఒక ముఖ్యమైన కోరిక నెరవేరుతుంది. విష్ణు సహస్రనామ పారాయణ మీకు శ్రేయస్కరం.
మకర రాశి: వృత్తి జీవితం సాఫీగా సాగిపోతుంది. ఆకస్మిక ధనలాభ సూచనలు ఉన్నాయి. సమాజంలో మీ మాటకు విలువ పెరుగుతుంది. ఆరోగ్య విషయంలో తగు జాగ్రత్తలు పాటించాలి. లక్ష్మీ అష్టోత్తర పారాయణ శుభ ఫలితాలను ఇస్తుంది.
కుంభ రాశి: ఉన్నత స్థాయి వ్యక్తులతో పరిచయాలు ఏర్పడతాయి. నిరుద్యోగులకు మంచి ఉద్యోగ అవకాశాలు లభిస్తాయి. ఎంత ఒత్తిడి ఉన్నా ఆత్మవిశ్వాసంతో వ్యవహరిస్తారు. నవగ్రహ ఆరాధన మీకు శక్తిని, ఉత్సాహాన్ని ఇస్తుంది.
మీన రాశి: లక్ష్యాలను సమర్థవంతంగా పూర్తి చేస్తారు. పాత రుణాల నుంచి ఉపశమనం లభిస్తుంది. తొందరపాటు నిర్ణయాలు తీసుకోవడం వల్ల ఇబ్బందులు ఎదురవ్వచ్చు, కాబట్టి నిదానంగా వ్యవహరించాలి. నవగ్రహ ఆరాధన చేయడం వల్ల శుభం కలుగుతుంది.