Horoscope Today: అక్టోబర్ 22, 2025, బుధవారం నాడు మేష రాశి నుంచి మీన రాశి వరకు మొత్తం 12 రాశుల వారికి ఈ రోజు ఎలా ఉండబోతోందో తెలుసుకుందాం.
మేషం (అశ్విని, భరణి, కృత్తిక 1)
ఉద్యోగం, వ్యాపారం: ఆఫీసులో మీ మాట చెల్లుబాటు అవుతుంది, మీ ప్రాధాన్యం పెరుగుతుంది. వృత్తి, వ్యాపారాలు కొద్దిగా నెమ్మదిగా సాగుతాయి. ఆర్థిక పరిస్థితి: డబ్బు విషయంలో ఎలాంటి ఇబ్బందీ ఉండదు. కొంత ఆశాజనకంగానే ఉంటుంది. ముఖ్య గమనిక: బంధువులు, స్నేహితులతో మాట్లాడేటప్పుడు తొందరపడకుండా జాగ్రత్తగా ఉండాలి. ఆర్థిక లావాదేవీలలో, ఆస్తి వ్యవహారాలలో ఆచితూచి అడుగు వేయండి. నిరుద్యోగులకు మంచి వార్తలు అందుతాయి. మంచి పెళ్లి సంబంధం కుదిరే అవకాశం ఉంది. ఎవరినీ గుడ్డిగా నమ్మవద్దు.
వృషభం (కృత్తిక 2,3,4, రోహిణి, మృగశిర 1,2)
ఉద్యోగం, వ్యాపారం: ఆఫీసులో అధికారుల నుంచి పని ఒత్తిడి ఎక్కువగా ఉంటుంది. వ్యాపారాలు, వృత్తులలో కష్టానికి తగిన ప్రతిఫలం దక్కుతుంది. ఆర్థిక పరిస్థితి: డబ్బు విషయంలో కొంచెం జాగ్రత్త అవసరం. అనవసరమైన ఖర్చులు బాగా పెరిగే అవకాశం ఉంది. ముఖ్య గమనిక: ఒకటి రెండు వ్యక్తిగత సమస్యల నుంచి ఉపశమనం లభిస్తుంది. కుటుంబ జీవితం సాఫీగా ఉంటుంది. పిల్లలు చదువులలో, ఇతర రంగాలలో విజయం సాధిస్తారు. ఆరోగ్యం పర్వాలేదు.
మిథునం (మృగశిర 2,4, ఆర్ద్ర, పునర్వసు 1,2,3)
ఉద్యోగం, వ్యాపారం: ఉద్యోగంలో మీరు ఎదురుచూస్తున్న శుభవార్తలు వింటారు. పదోన్నతి (ప్రమోషన్) లభించే అవకాశం ఉంది. వ్యాపారాల్లో అనుకున్నదానికంటే ఎక్కువ లాభాలు వస్తాయి. ఆర్థిక పరిస్థితి: ఊహించని విధంగా ఆదాయం పెరుగుతుంది. ఇతరులకు సహాయం చేసే స్థాయిలో ఉంటారు. ముఖ్య గమనిక: కొత్త పరిచయాలు ఏర్పడతాయి. పాత స్నేహితులతో సరదాగా గడుపుతారు. కుటుంబంతో కలిసి ప్రయాణానికి ప్లాన్ చేస్తారు. ఉద్యోగం, పెళ్లి ప్రయత్నాలు శుభ ఫలితాలను ఇస్తాయి. చిన్నపాటి అనారోగ్యం వచ్చే సూచన ఉంది.
కర్కాటకం (పునర్వసు 4, పుష్యమి, ఆశ్లేష)
ఉద్యోగం, వ్యాపారం: ఉద్యోగంలో పని ఒత్తిడి తగ్గుతుంది. వృత్తి, వ్యాపారాలలో కొన్ని మార్పులు చేయాల్సి వస్తుంది. ఆర్థిక పరిస్థితి: ఆదాయం పెరిగే అవకాశం ఉంది. ముఖ్య గమనిక: మీ సొంత పనులపై దృష్టి పెట్టండి. నష్టాలు వచ్చే వ్యవహారాలకు దూరంగా ఉండండి. ఇతరుల విషయాలలో జోక్యం చేసుకోవద్దు. అనుకోకుండా ఆస్తి వివాదం ఒకటి పరిష్కారం అవుతుంది. పెద్దలతో పరిచయాలు పెరుగుతాయి. ముఖ్యమైన పనులు సమయానికి పూర్తవుతాయి. పిల్లల నుంచి శుభవార్తలు వింటారు.
సింహం (మఖ, పుబ్బ, ఉత్తర 1)
ఉద్యోగం, వ్యాపారం: ఆఫీసులో లక్ష్యాలు, బాధ్యతలు పెరగడం వల్ల కొంచెం ఇబ్బంది పడతారు. వ్యాపారాలు స్థిరంగా ముందుకు సాగుతాయి. ఆర్థిక పరిస్థితి: డబ్బు విషయంలో ఎలాంటి ఇబ్బందీ ఉండదు, నిలకడగా ఉంటుంది. ముఖ్య గమనిక: ఒకటి రెండు ఆర్థిక సమస్యల నుంచి బయటపడతారు. ఎవరికీ డబ్బు విషయంలో మాట ఇవ్వడం మంచిది కాదు. ఒక వ్యక్తిగత సమస్య తీరిపోతుంది. ఆరోగ్యం బాగానే ఉంటుంది. పిల్లలు మంచి పురోగతి సాధిస్తారు. తినే విషయంలో, విహార యాత్రల్లో జాగ్రత్తగా ఉండాలి. కుటుంబ జీవితం సంతోషంగా ఉంటుంది.
కన్య (ఉత్తర 2,3,4, హస్త, చిత్త 1,2)
ఉద్యోగం, వ్యాపారం: వృత్తి, ఉద్యోగాల్లో మీరు పెట్టుకున్న లక్ష్యాలను పూర్తి చేస్తారు. వ్యాపారంలో డిమాండ్ బాగా పెరుగుతుంది. ఆర్థిక పరిస్థితి: ఆర్థిక విషయాలకు ఈ రోజు చాలా బాగుంది. డబ్బు లావాదేవీలు మంచి ఫలితాలను ఇస్తాయి. ముఖ్య గమనిక: ఆరోగ్యం విషయంలో కొంచెం శ్రద్ధ అవసరం. వివాదాలకు వీలైనంత దూరంగా ఉండండి. మీ వ్యక్తిగత సమస్యలను పరిష్కరించుకోవడంపై శ్రద్ధ పెట్టండి. దైవ కార్యక్రమాలలో పాల్గొంటారు. అనుకోని ఖర్చులు వచ్చే అవకాశం ఉంది. ఉద్యోగం, పెళ్లి ప్రయత్నాలు అనుకూలిస్తాయి.
తుల (చిత్త 3,4, స్వాతి, విశాఖ 1,2,3)
ఉద్యోగం, వ్యాపారం: ఉద్యోగంలో మీ బాధ్యతలు మారే అవకాశం ఉంది. అధికారులు మీకు ప్రత్యేక పనులు అప్పగిస్తారు. వృత్తి, వ్యాపారాలు చాలా చురుకుగా ఉంటాయి. ఏ పని చేసినా ఆదాయం పెరుగుతుంది. ఆర్థిక పరిస్థితి: ఆదాయం పెరుగుతుంది. ఆర్థిక లావాదేవీలు సక్రమంగా సాగుతాయి. ముఖ్య గమనిక: కొందరు స్నేహితులు, సన్నిహితులతో జాగ్రత్తగా ఉండడం మంచిది. ఆర్థిక, ఆస్తి వ్యవహారాలలో బాగా ఆలోచించి నిర్ణయాలు తీసుకోవాలి. ఒకటి రెండు వ్యక్తిగత సమస్యల నుంచి ఉపశమనం లభిస్తుంది. మీరు చేపట్టిన పనులన్నీ పూర్తవుతాయి.
వృశ్చికం (విశాఖ 4, అనూరాధ, జ్యేష్ట)
ఉద్యోగం, వ్యాపారం: ఇంట్లో, బయట అంతా మీకు అనుకూలంగా ఉంటుంది. ఆస్తి, డబ్బు వ్యవహారాలు సజావుగా సాగుతాయి. ఉద్యోగంలో మీ సమర్థతకు గుర్తింపు లభిస్తుంది, అధికారులు మీపై ఎక్కువ ఆధారపడతారు. వృత్తి జీవితంలో తీరిక లేకుండా గడుపుతారు. వ్యాపారంలో పోటీ ఉన్నా, లాభాలకు లోటుండదు. ముఖ్య గమనిక: ఇంట్లో, బయట మీ మాటకు గౌరవం ఉంటుంది. పిల్లల నుంచి మంచి వార్తలు వింటారు. మీ జీవిత భాగస్వామితో కలిసి కొత్త బట్టలు, నగలు కొనుగోలు చేస్తారు. ఆరోగ్యం బాగానే ఉంటుంది.
ధనుస్సు (మూల, పూర్వాషాఢ, ఉత్తరాషాఢ 1)
ఉద్యోగం, వ్యాపారం: ఉద్యోగులకు డిమాండ్ పెరుగుతుంది. పదోన్నతి (ప్రమోషన్)కి అవకాశం ఉంది. వ్యాపారాలలో లాభాలు పెరుగుతాయి. ఆర్థిక పరిస్థితి: డబ్బు విషయంలో మీ మనసులోని కోరికలు ఒకటి రెండు నెరవేరుతాయి. ఆర్థిక లావాదేవీలు మంచి ఫలితాలనిస్తాయి. ముఖ్య గమనిక: ఏ ప్రయత్నం చేసినా విజయం సాధిస్తారు. అనుకున్న పనులన్నీ అనుకున్నట్టుగా జరుగుతాయి. ఉద్యోగ ప్రయత్నాలు ఫలిస్తాయి. ఆరోగ్యం విషయంలో జాగ్రత్త అవసరం. వ్యక్తిగత, ఆర్థిక, కుటుంబ సమస్యలు బాగా తగ్గే అవకాశం ఉంది.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగం, వ్యాపారం: ఉద్యోగ బాధ్యతలలో మీరు కోరుకున్న మార్పులు జరుగుతాయి. అదనపు ఆదాయం కోసం చేసే ప్రయత్నాలు ఫలిస్తాయి. నిరుద్యోగులకు దూర ప్రాంతాల కంపెనీల నుంచి మంచి వార్తలు అందుతాయి. ఆర్థిక పరిస్థితి: ఆర్థికంగా చాలా కలిసి వచ్చే సమయం ఇది. మెరుగైన పరిస్థితులు ఉంటాయి. ముఖ్య గమనిక: ఉద్యోగం మారడానికి చేసే ప్రయత్నాలు సఫలమవుతాయి. పెద్దలతో పరిచయాలు పెరుగుతాయి. కొద్దిపాటి శ్రమతో ముఖ్యమైన పనులు పూర్తవుతాయి. ఆరోగ్యం స్థిరంగా ఉంటుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగం, వ్యాపారం: ఆఫీసులో అధికారులు మీపై ఎక్కువగా ఆధారపడతారు. పని భారం, ఒత్తిడి కొంచెం ఎక్కువ ఉండవచ్చు. వృత్తి జీవితంలో మీ డిమాండ్ పెరుగుతుంది. వ్యాపారాలు చురుకుగా సాగుతాయి. ఆర్థిక పరిస్థితి: ఆకస్మికంగా ధన లాభం పొందే సూచనలు ఉన్నాయి. రావలసిన డబ్బు చేతికి అందుతుంది. ముఖ్య గమనిక: పెద్దలతో పరిచయాలు పెరుగుతాయి. ఉద్యోగం, పెళ్లి ప్రయత్నాలు విజయం సాధిస్తాయి. కుటుంబంలో శుభకార్యాలు జరిగే అవకాశం ఉంది. ప్రయాణాలు లాభాన్ని చేకూరుస్తాయి. ఆరోగ్యం బాగానే ఉంటుంది.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగం, వ్యాపారం: ఉద్యోగం సంతోషంగా, సంతృప్తికరంగా సాగుతుంది. వృత్తి జీవితం చాలా చురుకుగా మారుతుంది. వ్యాపారాలు ఉత్సాహంగా సాగుతాయి. అన్ని వైపుల నుంచి ఆదాయం పెరుగుతుంది. ఆర్థిక పరిస్థితి: ఆర్థిక, వ్యక్తిగత సమస్యల నుంచి ఉపశమనం లభిస్తుంది. ముఖ్య గమనిక: ఒకరిద్దరు బంధువులకు డబ్బు సహాయం చేస్తారు. నిరుద్యోగులకు మంచి ఉద్యోగ అవకాశాలు వస్తాయి. కొద్దిపాటి శ్రమతో ముఖ్యమైన పనులన్నీ పూర్తి చేయగలుగుతారు. కుటుంబ పరిస్థితులు అనుకూలంగా ఉంటాయి. చిన్నపాటి అనారోగ్య సూచనలు ఉన్నాయి, జాగ్రత్త.