Hikaru Nakamura: అక్టోబర్ 4న అమెరికా, భారత్ జట్ల మధ్య జరిగిన చెక్‌మేట్ టోర్నమెంట్ మ్యాచ్ చెస్ ప్రపంచంలోనే కాదు, సోషల్ మీడియాలో కూడా తీవ్ర చర్చనీయాంశమైంది. ఈ పోటీలో ప్రపంచ నంబర్ 2 గ్రాండ్‌మాస్టర్ హికారు నకమురా, భారత ప్రపంచ ఛాంపియన్ డి. గుకేష్ పై విజయం సాధించాడు. అయితే, ఆ తర్వాత చేసిన ఆయన ప్రవర్తనతో వివాదం మొదలైంది.
గెలుపు తర్వాత ‘కింగ్’ను విసిరేసిన నకమురా
గుకేష్‌పై చెక్‌మేట్ సాధించిన వెంటనే నకమురా, గుకేష్ బోర్డు మీద ఉన్న ‘రాజు’ పావును తీసుకొని ప్రేక్షకుల వైపు విసిరాడు. ఈ అనుకోని చర్యతో ప్రేక్షకులు సంబరపడగా, గుకేష్ మాత్రం కొద్దిసేపు ఆశ్చర్యంలో ఉండిపొయ్యాడు. ఈ సంఘటన క్షణాల్లోనే వీడియోగా వైరల్ అయింది.
చెస్ గేమ్‌కి కొత్త మలుపు
ఈ ఈవెంట్‌ సాంప్రదాయేతర వాతావరణంలో స్టేడియం లైట్స్, పెద్ద స్క్రీన్స్, అభిమానుల చప్పట్ల మధ్య నిర్వహించబడింది. చెస్‌ను ప్రేక్షకులు ఆస్వాదించే “స్టేజ్ స్పోర్ట్”గా మార్చే ప్రయత్నంలో
భాగంగా ఇది ఏర్పాటు చేశారు. వేగవంతమైన బులెట్ గేమ్‌లో నకమురా క్లినికల్‌గా గుకేష్‌ను ఓడించి 5-0 తేడాతో అమెరికా జట్టుకు విజయాన్ని అందించాడు.
నకమురా వివరణ
తరువాత నకమురా మాట్లాడుతూ
“నేను ఎప్పుడూ గెలిస్తే రాజును విసిరేస్తాను. ఇది నాటకీయ బుల్లెట్ గేమ్ కాబట్టి, అభిమానులు మరింత ఆస్వాదిస్తారని అనుకున్నాను. ఎవరిని అవమానించాలి అనే ఉద్దేశం నాకు లేదు,” అని అన్నారు.
ఇది కూడా చదవండి: Women World Cup 2025: భారత్ దెబ్బకు పాక్ విలవిల: వరల్డ్ కప్‌లో వరుసగా రెండో విజయం!
తన చర్యపై వస్తున్న విమర్శలకు స్పందిస్తూ
“మ్యాచ్ నిర్వాహకులు ఆటగాళ్లను ప్రేక్షకులను ఉత్సాహపరిచే విధంగా ప్రవర్తించమని చెప్పారు. ఇది మొత్తం షోలో భాగమే,” అని నకమురా స్పష్టం చేశారు.
లెవీ రోజ్‌మాన్ వివరణ
టోర్నమెంట్ నిర్వాహకుల తరఫున మాట్లాడిన లెవీ రోజ్‌మాన్ కూడా ఈ ఘటన ప్రణాళికలో భాగమేనని చెప్పారు. “రెండు జట్లకూ ముందుగానే నాటకీయతను ప్రోత్సహించమని చెప్పారు. నకమురా గెలిచిన తర్వాత గుకేష్‌తో మాట్లాడి క్షమాపణ చెప్పాడు. ఇది కేవలం ఎంటర్‌టైన్‌మెంట్ కోసం మాత్రమే,” అని తెలిపారు.
ఇది కూడా చదవండి: Ravindra Jadeja: ఆస్ట్రేలియాతో మూడు మ్యాచ్‌ల వన్డే సిరీస్‌.. జడేజాను ఎందుకు పక్కన పెట్టారంటే?
అభిమానుల స్పందన
ఈ చర్యపై అభిమానులు రెండు వర్గాలుగా విడిపోయారు. కొంతమంది దీనిని ‘చెస్‌ను స్టేడియం స్పోర్ట్‌గా మార్చే సృజనాత్మక ప్రయత్నం’గా కొనియాడగా, మరికొందరు ‘గ్రాండ్‌మాస్టర్ స్థాయికి తగని ప్రవర్తన’గా విమర్శించారు.
ముగింపు
యూఎస్ఏ జట్టు భారత జట్టుపై 5-0 తేడాతో క్లీన్ స్వీప్ చేయగా, నకమురా-గుకేష్ పోటీ మొత్తం ఈవెంట్‌కే ప్రధాన ఆకర్షణగా నిలిచింది. క్రీడాకారులు టీమ్ జెర్సీల్లో రింగ్‌లా స్టేజీపైకి రావడం, ప్రేక్షకుల గోలతో చెస్ గేమ్‌ను లైవ్ స్పోర్ట్‌లా మలచడం ఈ టోర్నమెంట్ భవిష్యత్ చెస్ ప్రపంచానికి కొత్త దిశ చూపించింది.