హర్యానా అసెంబ్లీ ఎన్నికలలో కాంగ్రెస్ పార్టీకి భారీ ఎదురుదెబ్బ తగిలింది. అయితే, కాంగ్రెస్ పరాభవానికి ఆమ్ ఆద్మీ పార్టీ చీఫ్ అరవింద్ కేజ్రీవాలే కారణమని పార్టీ ఎంపీ, సీనియర్ నాయకురాలు స్వాతి మలివాల్ తీవ్ర స్థాయిలో విరుచుకుపడ్డారు. ప్రతిపక్షాల నేతృత్వంలోని భారత కూటమికి ఆప్ నమ్మక ద్రోహం చేస్తోందని మలివాల్ తన సొంత పార్టీకి వ్యతిరేకంగా కీలక వ్యాఖ్యలు చేశారు.
“కాంగ్రెస్‌పై ప్రతీకారం తీర్చుకోవడానికే కేజ్రీవాల్ హర్యానాకు వచ్చారు. నన్ను బీజేపీ ఏజెంట్ అని తప్పుడు ఆరోపణలు చేసి, ఈరోజు INC ఓట్లను చీల్చి భారత కూటమికి నమ్మక ద్రోహం చేస్తున్నారు. దానికి తగ్గట్టుగా మాజీ రెజ్లర్ వినేష్‌ ఫోగట్ ను ఓడించేందుకు అభ్యర్థిని కూడా నిలబెట్టారు” అని ఆప్ ఎంపీ మలివాల్ ఆరోపించారు.
“మీ స్వంత రాష్ట్రంలో మీ ఓటు శాతాన్ని కూడా మీరు కాపాడుకోలేని పరిస్థితి ఎలా వచ్చింది?. ఇంకా సమయం ఉంది. మీ అహాన్ని పక్కన పెట్టండి, మీ కళ్ళ నుండి పొగమంచును తొలగించండి, డ్రామాలు ఆపండి, ప్రజల కోసం పని చేయండి” ఆమె అరవింద్ కేజ్రీవాల్ పై తీవ్ర ఆగ్రహం వ్యక్తం చేశారు.
కాగా, ఇటీవల జమ్మూకశ్మీర్, హర్యానాలో జరిగిన అసెంబ్లీ ఎన్నికల్లో ఆప్ ఒంటరిగా బరిలో దిగింది. అయితే, ఎన్నికల్లో ఏ మాత్రం ప్రభావం చూపలేదని మంగళవారం వెల్లడైన ఫలితాలు తేల్చాయి. రెండు రాష్ట్రాలలోనూ ఆప్ డిపాజిట్లు కోల్పోయింది. ఒక్క సీటు కూడా గెలవలేకపోయింది.