Gold Rates Today: బంగారం అంటే అందరికీ ఎంతో ఆసక్తి. మహిళలు అనే కాదు పురుషుల్లోనూ బంగారంపై ఎంతో ఇష్టం ఉంటుంది. అందులోనూ మన దేశంలో బంగారం విషయంలో ఉండే ఆకర్షణ వేరే లెవెల్ లో ఉంటుంది. పండుగలు, పెళ్లిళ్లు.. ఏ శుభకార్యానికైనా కొద్దిపాటి బంగారం కొనాలని అందరూ తహతహ లాడతారు. అంతేకాదు బంగారం మంచి పెట్టుబడి సాధనంగా కూడా ఉంటుంది. కాస్త బంగారం కొనిపెట్టుకుంటే అవసరంలో ఆడుకుంటుంది అనే వారి నుంచి బంగారం కొని.. అమ్మడం వంటివి చేస్తూ దాని వ్యాపారంగా చూసేవారి వరకూ బంగారం కొనడానికి ఆసక్తి చూపిస్తూ ఉంటారు.
అయితే, బంగారం ధరలు ఎప్పటికప్పుడు మారిపోతూ ఉంటాయి. మారిపోయే బంగారం ధరలను చెక్ చేసుకోవడం కూడా మనలో చాలామందికి ఇంట్రెస్టింగ్ విషయం బంగారం ధరలపై చాలా అంశాలు ప్రభావం చూపిస్తాయి. అంతర్జాతీయంగా వచ్చే మార్పుల నుంచి.. స్థానికంగా ఉండే డిమాండ్.. టాక్స్ ల ఆధారంగా బంగారం ధరల్లో మార్పులు ఉంటాయి. అలాగే మన దేశంలో ప్రాంతాలను బట్టి కూడా బంగారం ధరల్లో వ్యత్యాసం కనిపిస్తుంది. ఈ నేపథ్యంలో ఈరోజు బంగారం వెండి ధరలు ఎలా ఉన్నాయో ఒకసారి పరిశీలిద్దాం.
Gold Rates Today: అంతర్జాతీయంగా బంగారం ధరల్లో వరుసగా పెరుగుదల కనిపిస్తోంది. ఈరోజు అంటే 31.01.2025న బంగారం ధరలు పెరిగాయి. ఆ ప్రభావం దేశీయంగానూ బంగారం ధరలపై కనిపించింది. నిన్న భారీగా పెరిగిన బంగారం ధరలు వరుసగా రెండోరోజూ దేశవ్యాప్తంగా పెరుగుదల నమోదు చేశాయి. రెండురోజులు కలిపి తులం బంగారం 1100 రూపాయలకు పైగా పెరిగింది. అదేవిధంగా హైదరాబాద్ లో కూడా బంగారం ధరలు భారీగా పెరిగాయి. ఈరోజు అంటే 31.01.2025న హైదరాబాద్ లో 22 క్యారెట్ల బంగారం ధరలు 10 గ్రాములకు 150 రూపాయలు పెరుగుదల నమోదు చేసి 76,100రూపాయల వద్దకు చేరింది. అలాగే, 24 క్యారెట్ల బంగారం ధర కూడా పది గ్రాములకు 170 రూపాయలు తగ్గుదల నమోదు చేసింది. దీంతో 83,020 రూపాయల వద్దకు ఎగసింది. .
Gold Rates Today: ఇక హైదరాబాద్ లో వెండి విషయానికి వస్తే నిన్న స్థిరంగా ఉన్న వెండి ధర కేజీకి ఒక్కసారిగా 2 వేల రూపాయలు పెరుగుదల నమోదు చేసింది. దీంతో ప్రస్తుతం కేజీ వెండి 1,06,000 వద్ద ట్రేడ్ అవుతోంది.
Gold Rates Today: మన తెలుగురాష్ట్రాల్లో ఇతర ప్రాంతాల విషయానికి వస్తే, విజయవాడ, విశాఖపట్నం, తిరుపతి, వరంగల్, కరీంనగర్, ఖమ్మం వంటి ప్రాంతాల్లో కూడా బంగారం, వెండి ధరలు కాస్త అటూ ఇటూగా ఇలానే ఉన్నాయి.
Gold Rates Today: అదేవిధంగా దేశరాజధాని ఢిల్లీ లో 22 క్యారెట్ల బంగారం ధరలు 10 గ్రాములకు 150 రూపాయలు పెరిగింది. దీంతో 76,250 రూపాయల వద్దకు చేరుకుంది. అలాగే, 24 క్యారెట్ల బంగారం ధర పది గ్రాములకు 170 రూపాయలు పెరిగి 83,170 రూపాయల వద్ద ఉంది. అలాగే వెండి ధరల విషయానికి వస్తే కేజీ వెండి ఢిల్లీలో కూడా 2 వేల రూపాయలు పెరిగింది. దీంతో 98,500 రూపాయల వద్ద ట్రేడ్ అవుతోంది.
Gold Rates Today: అంతర్జాతీయంగా చూసుకుంటే బంగారం ధరలు వరుసగా పెరుగుతూ వస్తున్నాయి. వెండి ధరలు కూడా పెరుగుదల బాటలోనే ఉన్నాయి. ఈరోజు అంటే 31.01.2025 ఉదయం 6 గంటల సమయానికి అంతర్జాతీయంగా బంగారం ధరలు పెరుగుదల కనబరిచాయి. దీంతో 10 గ్రాముల బంగారం ధర 76,890రూపాయలుగా ఉంది. అదేవిధంగా వెండి ధరలు వరుసగా పెరుగుదల నమోదు చేస్తున్నాయి. కేజీ వెండి ధర 87,728 రూపాయల వద్ద ట్రేడ్ అవుతోంది.
గమనిక: ఇక్కడ ఇచ్చిన బంగారం ధరలు ఈరోజు అంటే 31.01.2025 ఉదయం 6 గంటల సమయానికి ఉన్న ధరలు. అంతర్జాతీయంగా వచ్చే మార్పులు, స్థానికంగా ఉండే డిమాండ్, స్థానిక పన్నులు వంటి కారణాలతో బంగారం, వెండి ధరలు ఎప్పటికప్పుడు మారుతూ ఉంటాయి. బంగారం, వెండి కొనాలని అనుకునేటప్పుడు మీ ప్రాంతంలో రెండు మూడు దుకాణాల్లో వెరిఫై చేసుకుని నిర్ణయం తీసుకోవాల్సిందిగా మహాన్యూస్ సూచిస్తోంది.