Gold Rates Today: బంగారం అంటే అందరికీ ఎంతో ఆసక్తి. మహిళలు అనే కాదు పురుషుల్లోనూ బంగారంపై ఎంతో ఇష్టం ఉంటుంది. అందులోనూ మన దేశంలో బంగారం విషయంలో ఉండే ఆకర్షణ వేరే లెవెల్ లో ఉంటుంది. పండుగలు, పెళ్లిళ్లు.. ఏ శుభకార్యానికైనా కొద్దిపాటి బంగారం కొనాలని అందరూ తహతహ లాడతారు. అంతేకాదు బంగారం మంచి పెట్టుబడి సాధనంగా కూడా ఉంటుంది. కాస్త బంగారం కొనిపెట్టుకుంటే అవసరంలో ఆడుకుంటుంది అనే వారి నుంచి బంగారం కొని.. అమ్మడం వంటివి చేస్తూ దాని వ్యాపారంగా చూసేవారి వరకూ బంగారం కొనడానికి ఆసక్తి చూపిస్తూ ఉంటారు.
అయితే, బంగారం ధరలు ఎప్పటికప్పుడు మారిపోతూ ఉంటాయి. మారిపోయే బంగారం ధరలను చెక్ చేసుకోవడం కూడా మనలో చాలామందికి ఇంట్రెస్టింగ్ విషయం బంగారం ధరలపై చాలా అంశాలు ప్రభావం చూపిస్తాయి. అంతర్జాతీయంగా వచ్చే మార్పుల నుంచి.. స్థానికంగా ఉండే డిమాండ్.. టాక్స్ ల ఆధారంగా బంగారం ధరల్లో మార్పులు ఉంటాయి. అలాగే మన దేశంలో ప్రాంతాలను బట్టి కూడా బంగారం ధరల్లో వ్యత్యాసం కనిపిస్తుంది. ఈ నేపథ్యంలో ఈరోజు బంగారం వెండి ధరలు ఎలా ఉన్నాయో ఒకసారి పరిశీలిద్దాం.
అంతర్జాతీయంగా బంగారం ధరల్లో భారీ పెరుగుదల కనిపిస్తోంది. ఈరోజు అంటే 25.01.2025న బంగారం ధరలు భారీగా పెరిగాయి. ఆ ప్రభావం మన దేశంలో బంగారం ధరలపై పడింది. నిన్న నిలకడగా ఉన్న బంగారం ధరలు దేశీయంగా ఈరోజు భారీ పెరుగుదల నమోదు చేశాయి. అదేవిధంగా హైదరాబాద్ లో కూడా బంగారం ధరలు భారీగా పెరిగాయి. ఈరోజు అంటే 25.01.2025న హైదరాబాద్ లో 22 క్యారెట్ల బంగారం ధరలు 10 గ్రాములకు 300 రూపాయలు పెరిగింది. దీంతో 75,550 రూపాయల వద్దకు చేరాయి. అలాగే, 24 క్యారెట్ల బంగారం ధర కూడా పది గ్రాములకు 330 రూపాయల పెరుగుదల నమోదు చేయడంతో 82,420 రూపాయలకు ఎగసింది.
ఇది కూడా చదవండి: Horoscope Today: ధైర్యంగా ఉండండి అనుకున్నది సాధిస్తారు.. ఈరోజు ఏ రాశివారికి ఎలా ఉందంటే..
Gold Rates Today: ఇక హైదరాబాద్ లో వెండి విషయానికి వస్తే వరుసగా ఆరో రోజుల పాటు మార్పులు లేకుండా ఉన్న వెండి ధరలు ఈరోజు భారీగా పెరిగాయి. కేజీ వెండి ధర 1000 రూపాయలు పెరిగింది. దీంతో ప్రస్తుతం కేజీ వెండి 1,05,000 వద్ద ట్రేడ్ అవుతోంది.
మన తెలుగురాష్ట్రాల్లో ఇతర ప్రాంతాల విషయానికి వస్తే, విజయవాడ, విశాఖపట్నం, తిరుపతి, వరంగల్, కరీంనగర్, ఖమ్మం వంటి ప్రాంతాల్లో కూడా బంగారం, వెండి ధరలు కాస్త అటూ ఇటూగా ఇలానే ఉన్నాయి.
అదేవిధంగా దేశరాజధాని ఢిల్లీ లో 22 క్యారెట్ల బంగారం ధరలు 10 గ్రాములకు 300 రూపాయల పెరుగుదల కనబరిచాయి. దేంతో 75,700 రూపాయలకు చేరుకున్నాయి. అలాగే, 24 క్యారెట్ల బంగారం ధర పది గ్రాములకు 330 రూపాయల పెరుగుదల నమోదు చేసి 82,570 రూపాయల కు చేరుకుంది. అలాగే వెండి ధరల విషయానికి వస్తే కేజీ వెండి ఢిల్లీలో కూడా భారీగా పెరిగింది. కిలో వెండి 1000 రూపాయల పెరుగుదలతో 97,500 రూపాయల వద్ద ట్రేడ్ అవుతోంది.
Gold Rates Today: అంతర్జాతీయంగా చూసుకుంటే బంగారం ధరలు భారీ పెరుగుదల కనబరిచాయి. వెండి ధరలు కూడా భారీగా పెరిగాయి. ఈరోజు అంటే 25.01.2025 ఉదయం 6 గంటల సమయానికి అంతర్జాతీయంగా బంగారం ధరలు పెరుగుదల కనబరిచాయి. దీంతో 10 గ్రాముల బంగారం ధర 76,800రూపాయలుగా ఉంది. అదేవిధంగా వెండి ధరలు వరుసగా పెరుగుదల నమోదు చేస్తున్నాయి. కేజీ వెండి ధర 84,906 రూపాయల వద్ద ట్రేడ్ అవుతోంది.
గమనిక: ఇక్కడ ఇచ్చిన బంగారం ధరలు ఈరోజు అంటే 25.01.2025 ఉదయం 6 గంటల సమయానికి ఉన్న ధరలు. అంతర్జాతీయంగా వచ్చే మార్పులు, స్థానికంగా ఉండే డిమాండ్, స్థానిక పన్నులు వంటి కారణాలతో బంగారం, వెండి ధరలు ఎప్పటికప్పుడు మారుతూ ఉంటాయి. బంగారం, వెండి కొనాలని అనుకునేటప్పుడు మీ ప్రాంతంలో రెండు మూడు దుకాణాల్లో వెరిఫై చేసుకుని నిర్ణయం తీసుకోవాల్సిందిగా మహాన్యూస్ సూచిస్తోంది.