Gold Price Today: బంగారం అంటే అందరికీ ఏంటో ఆసక్తి. మహిళలు అనే కాదు పురుషుల్లోనూ బంగారంపై ఎంతో ఇష్టం ఉంటుంది. అందులోనూ మన దేశంలో బంగారం విషయంలో ఉండే ఆకర్షణ వేరే లెవెల్ లో ఉంటుంది. పండుగలు, పెళ్లిళ్లు.. ఏ శుభకార్యానికైనా కొద్దిపాటి బంగారం కొనాలని అందరూ తహతహ లాడతారు. అంతేకాదు బంగారం మంచి పెట్టుబడి సాధనంగా కూడా ఉంటుంది. కాస్త బంగారం కొనిపెట్టుకుంటే అవసరంలో ఆడుకుంటుంది అనే వారి నుంచి బంగారం కొని.. అమ్మడం వంటివి చేస్తూ దాని వ్యాపారంగా చూసేవారి వరకూ బంగారం కొనడానికి ఆసక్తి చూపిస్తూ ఉంటారు.
అయితే, బంగారం ధరలు ఎప్పటికప్పుడు మారిపోతూ ఉంటాయి. మారిపోయే బంగారం ధరలను చెక్ చేసుకోవడం కూడా మనలో చాలామందికి ఇంట్రెస్టింగ్ విషయం బంగారం ధరలపై చాలా అంశాలు ప్రభావం చూపిస్తాయి. అంతర్జాతీయంగా వచ్చే మార్పుల నుంచి.. స్థానికంగా ఉండే డిమాండ్.. టాక్స్ ల ఆధారంగా బంగారం ధరల్లో మార్పులు ఉంటాయి. అలాగే మన దేశంలో ప్రాంతాలను బట్టి కూడా బంగారం ధరల్లో వ్యత్యాసం కనిపిస్తుంది. ఈ నేపథ్యంలో ఈరోజు బంగారం వెండి ధరలు ఎలా ఉన్నాయో ఒకసారి పరిశీలిద్దాం.
అంతర్జాతీయంగా బంగారం ధరల్లో ఈరోజు అంటే 06.01.2025న నిలకడ కనిపిస్తోంది. ఆ ప్రభావం మన దేశంలో బంగారం ధరలపై కూడా కనిపించింది. నిన్న ధరలు తగ్గిన విషయం తెలిసిందే. అయితే, ఈరోజు ఎటువంటి మార్పు లేకుండా నిలిచాయి. హైదరాబాద్ లో కూడా బంగారం ధరలు నిలకడగా ఉన్నాయి. ఈరోజు అంటే 06.01.2025న హైదరాబాద్ లో 22 క్యారెట్ల బంగారం ధరలు 10 గ్రాములకు మార్పులు లేకుండా 72,150రూపాయల వద్ద నిలిచింది. అలాగే, 24 క్యారెట్ల బంగారం ధర కూడా పది గ్రాములకు స్థిరంగా 78,710 రూపాయల వద్ద ఉంది.
ఇది కూడా చదవండి: Today Horoscope: ప్రశాంతంగా పనిచేస్తే అడ్డంకులు తొలగిపోతాయి.. ఈరోజు రాశిఫలాలు ఇలా..
Gold Price Today: ఇక హైదరాబాద్ లో వెండి విషయానికి వస్తే నిన్న ఒక్కసారిగా పెరిగిన ధరలు నిలకడగా ఉన్నాయి. దీంతో కేజీ వెండి 99,000 రూపాయలుగా ఉంది.
మన తెలుగురాష్ట్రాల్లో ఇతర ప్రాంతాల విషయానికి వస్తే, విజయవాడ, విశాఖపట్నం, తిరుపతి, వరంగల్, కరీంనగర్, ఖమ్మం వంటి ప్రాంతాల్లో కూడా బంగారం, వెండి ధరలు కాస్త అటూ ఇటూగా ఇలానే ఉన్నాయి.
అదేవిధంగా దేశరాజధాని ఢిల్లీ లో 22 క్యారెట్ల బంగారం ధరలు 10 గ్రాములకు ఎటువంటి మార్పులు లేవు. నిన్నటి ధర వద్దే 72,300 రూపాయలుగా ఉంది. అలాగే, 24 క్యారెట్ల బంగారం ధర 10 గ్రాములకు 78,860 రూపాయల వద్ద స్థిరంగా ఉంది. అలాగే వెండి ధరల విషయానికి వస్తే కేజీ వెండి ఢిల్లీలో కూడా మార్పులు లేకుండా 91,500 రూపాయల వద్ద ట్రేడ్ అవుతోంది.
అంతర్జాతీయంగా చూసుకుంటే బంగారం ధరలు నిలకడగా ఉన్నాయి. కానీ, వెండి ధరల పెరుగుదల కంటిన్యూ అవుతోంది. ఈరోజు అంటే 06.01.2025 ఉదయం 6 గంటల సమయానికి అంతర్జాతీయంగా బంగారం ధరలు పెద్దగా మార్పులు లేకుండా కొనసాగుతున్నాయి. దీంతో 10 గ్రాముల బంగారం ధర 72,820రూపాయలుగా ఉంది. అదేవిధంగా వెండి ధరలు మాత్రం పెరుగుదల నమోదు చేస్తున్నాయి. కేజీ వెండి ధర 81,712 రూపాయల వద్ద ట్రేడ్ అవుతోంది.
గమనిక: ఇక్కడ ఇచ్చిన బంగారం ధరలు ఈరోజు అంటే 06.01.2025 ఉదయం 6 గంటల సమయానికి ఉన్న ధరలు. అంతర్జాతీయంగా వచ్చే మార్పులు, స్థానికంగా ఉండే డిమాండ్, స్థానిక పన్నులు వంటి కారణాలతో బంగారం, వెండి ధరలు ఎప్పటికప్పుడు మారుతూ ఉంటాయి. బంగారం, వెండి కొనాలని అనుకునేటప్పుడు మీ ప్రాంతంలో రెండు మూడు దుకాణాల్లో వెరిఫై చేసుకుని నిర్ణయం తీసుకోవాల్సిందిగా మహాన్యూస్ సూచిస్తోంది.