Gold Price Today: పసిడి ప్రియులకు ఇది నిజంగానే అదిరిపోయే శుభవార్త. గత కొన్ని రోజులుగా ఆకాశమే హద్దుగా పెరుగుతూ వచ్చిన బంగారం ధరలు ఇప్పుడు భారీగా దిగివచ్చాయి. అంతర్జాతీయ మార్కెట్లో చోటు చేసుకుంటున్న పరిణామాల వల్ల వరుసగా నాలుగో రోజు కూడా పసిడి ధరలు పతనం అయ్యాయి. ప్రధానంగా పెళ్లిళ్ల సీజన్ మొదలైన తరుణంలో ఇలా రేట్లు తగ్గడం సామాన్యులకు, ముఖ్యంగా మహిళలకు పెద్ద ఊరటనిచ్చే అంశం. మొన్నటి వరకు రేట్లు ఎక్కువగా ఉండటంతో వెనకడుగు వేసిన కొనుగోలుదారులు, ఇప్పుడు ధరలు భారీగా తగ్గడంతో నగల షాపుల వైపు పరుగులు తీస్తున్నారు. కేవలం బంగారం మాత్రమే కాకుండా వెండి ధర కూడా ఒక్కరోజే ఏకంగా పది వేల రూపాయల మేర తగ్గడం విశేషం.
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్నంలో ధరలు గమనిస్తే.. 24 క్యారెట్ల 10 గ్రాముల బంగారం ధర సుమారు రూ. 1,45,970 వద్ద కొనసాగుతోంది. నిన్నటితో పోలిస్తే దాదాపు రూ. 2,940 మేర తగ్గింది. ఇక ఆభరణాల తయారీకి వాడే 22 క్యారెట్ల బంగారం ధర 10 గ్రాములకు రూ. 2,750 తగ్గి, ప్రస్తుతం రూ. 1,33,800 వద్ద ట్రేడ్ అవుతోంది. చెన్నైలో 24 క్యారెట్ల ధర రూ. 1,48,580గా ఉండగా, బెంగళూరులో హైదరాబాద్ తరహాలోనే ధరలు ఉన్నాయి. దేశ రాజధాని ఢిల్లీలో 24 క్యారెట్ల బంగారం రూ. 1,46,120 వద్ద విక్రయించబడుతోంది.
వెండి ధరల విషయానికి వస్తే, ఢిల్లీ మరియు బెంగళూరులో కేజీ వెండి ధర భారీగా తగ్గి రూ. 2.45 లక్షల వద్ద కొనసాగుతోంది. ఒక్కరోజే వెండిపై పది వేల రూపాయల వరకు కోత పడటంతో కొనుగోలుదారులకు ఇది మంచి అవకాశంగా మారింది. అయితే హైదరాబాద్ మరియు చెన్నై నగరాల్లో మాత్రం కేజీ వెండి ధర రూ. 2.50 లక్షల వద్ద స్థిరంగా కొనసాగుతోంది. వరుసగా రేట్లు తగ్గుముఖం పడుతుండటంతో, రానున్న రోజుల్లో ధరలు మరింత తగ్గుతాయా లేదా ఇక్కడే స్థిరంగా ఉంటాయా అనేది ఆసక్తికరంగా మారింది. బంగారం కొనాలనుకునే వారు ఈ తగ్గింపును సద్వినియోగం చేసుకోవచ్చని మార్కెట్ నిపుణులు సూచిస్తున్నారు.