Gold Price Today: గత కొన్ని రోజులుగా ఆకాశమే హద్దుగా పెరుగుతూ వచ్చిన బంగారం, వెండి ధరలు ఒక్కసారిగా దిగివచ్చాయి. పసిడి ప్రియులకు ఇది నిజంగా శుభవార్త అని చెప్పాలి. మార్కెట్లో సునామీలా దూసుకుపోయిన ధరలు ఇప్పుడు ఒక్కసారిగా పతనం కావడంతో సామాన్యులు ఊపిరి పీల్చుకుంటున్నారు. ముఖ్యంగా బడ్జెట్ ప్రవేశపెట్టే లోపే ధరలు ఇలా తగ్గడం మార్కెట్ వర్గాల్లో ఆసక్తిని కలిగిస్తోంది.
వెండి ధరలో భారీ రికార్డు పతనం
వెండి ధర ఏకంగా ఒక్కరోజే భారీగా క్షీణించింది. గత 24 గంటల్లో కిలో వెండిపై సుమారు రూ. 85,000 వరకు తగ్గడం అందరినీ ఆశ్చర్యానికి గురిచేస్తోంది. గురువారం కిలో వెండి ధర రూ. 4.20 లక్షల వద్ద ఉండగా, శుక్రవారం నాటికి అది రూ. 3.35 లక్షలకు పడిపోయింది. అంటే భారీ వ్యత్యాసంతో వెండి ధర దిగివచ్చింది. ప్రస్తుతం దేశీయ మార్కెట్లో కిలో వెండి సగటున రూ. 3.95 లక్షల వద్ద ఉండగా, హైదరాబాద్లో మాత్రం రూ. 4.09 లక్షల వద్ద కొనసాగుతోంది.
బంగారం ధరల పరిస్థితి ఇదే..
వెండి బాటలోనే బంగారం కూడా భారీగా తగ్గింది. 10 గ్రాముల బంగారంపై సుమారు రూ. 25,500 వరకు తగ్గి, కొనుగోలుదారులకు భారీ ఊరటనిచ్చింది. ప్రస్తుతం మార్కెట్ గమనిస్తే.. 24 క్యారెట్ల 10 గ్రాముల బంగారం ధర సుమారు రూ. 1,69,190 వద్ద ఉండగా, ఆభరణాల తయారీకి వాడే 22 క్యారెట్ల బంగారం ధర రూ. 1,55,090 వద్ద ట్రేడవుతోంది. ప్రతిరోజూ ఉదయం 10 నుండి 11 గంటల మధ్య ధరలు అప్డేట్ అవుతాయని, అప్పుడు ధరలు ఇంకా తగ్గే అవకాశం ఉందని నిపుణులు అంచనా వేస్తున్నారు.
ప్రధాన నగరాల్లో నేటి ధరలు (10 గ్రాములు):
నగరం 24 క్యారెట్లు 22 క్యారెట్లు
హైదరాబాద్ / విజయవాడ రూ. 1,69,190 రూ. 1,55,090
ఢిల్లీ రూ. 1,69,340 రూ. 1,55,240
ముంబై / బెంగళూరు రూ. 1,69,190 రూ. 1,55,090
చెన్నై రూ. 1,72,900 రూ. 1,58,490
ధరలు ఒక్కసారిగా తగ్గడంతో పెళ్లిళ్ల సీజన్ కోసం వేచి చూస్తున్న వారు బంగారం కొనేందుకు ఆసక్తి చూపిస్తున్నారు. అయితే అంతర్జాతీయ పరిణామాలు, బడ్జెట్ ప్రభావం వల్ల ధరల్లో మార్పులు ఉండవచ్చు కాబట్టి కొనేముందు స్థానిక నగల దుకాణాల్లో ఒకసారి చెక్ చేసుకోవడం ఉత్తమం.