Rohit-Virat Kohli: భారత మాజీ కెప్టెన్ సౌరవ్ గంగూలీ రోహిత్ శర్మ, విరాట్ కోహ్లీల గురించి చేసిన వ్యాఖ్యలు చాలా ప్రాధాన్యతను సంతరించుకున్నాయి. సౌరవ్ గంగూలీ ఒక ఇంటర్వ్యూలో మాట్లాడుతూ, రోహిత్ శర్మ, విరాట్ కోహ్లీల అనుభవం, మ్యాచ్ గెలిపించే సామర్థ్యం భారత జట్టుకు చాలా అవసరమని అన్నారు. వన్డే ఫార్మాట్‌లో వారిద్దరినీ కొనసాగించడమే ఉత్తమమైన నిర్ణయమని ఆయన స్పష్టం చేశారు. ప్రపంచ క్రికెట్‌లో అత్యంత అనుభవజ్ఞులైన ఆటగాళ్లలో రోహిత్, కోహ్లీ ముందు వరుసలో ఉంటారు. కీలకమైన మ్యాచ్ లలో వారి అనుభవం జట్టుకు ఎంతో ఉపకరిస్తుంది. గత ప్రపంచ కప్ టోర్నమెంట్‌లో వారిద్దరూ అద్భుతంగా రాణించారు. రోహిత్ అగ్రెసివ్ బ్యాటింగ్, కోహ్లీ స్ట్రాటజిక్ ఇన్నింగ్స్ జట్టును ఫైనల్ కు చేర్చాయి. ఈ ఇద్దరు సీనియర్ల సమక్షంలో యువ ఆటగాళ్లు ఆడుతున్నప్పుడు, వారు ఒత్తిడిని ఎలా ఎదుర్కోవాలి, మ్యాచ్ లను ఎలా గెలవాలి అనే విషయాలను నేర్చుకోవడానికి అవకాశం ఉంటుంది.
Also Read: Rajat Patidar: కోహ్లీ నుంచి అభిమానికి ఫోన్‌.. బిగ్ ట్విస్ట్ ఏంటంటే ?
వారి నాయకత్వం, మార్గదర్శనం జట్టు భవిష్యత్తుకు చాలా కీలకం. రాబోయే ఛాంపియన్స్ ట్రోఫీ లాంటి పె ద్ద టోర్నమెంట్లలో వారిద్దరి అవసరం జట్టుకు చాలా ఉంటుందని గంగూలీ నొక్కి చెప్పారు. మొత్తానికి, గంగూలీ దృష్టిలో వన్డే ఫార్మాట్‌లో రోహిత్, కోహ్లీలకు ఇంకా చాలా భవిష్యత్తు ఉందని, వారిని జట్టు నుంచి తొలగించడం సరైన నిర్ణయం కాదని స్పష్టంగా తెలియజేశారు. ఈ ఏడాది ఆ్రస్టేలియా పర్యటనతోనే ఇద్దరి అంతర్జాతీయ కెరీర్‌ ముగుస్తుందనే వార్తలపై స్పందించిన గంగూలీ ‘నాకు వాటి గురించి ఏమాత్రం తెలియదు. కాబట్టి వ్యాఖ్యానించను’ అని అన్నాడు. సభ్యుల సహకారంతో బెంగాల్‌ క్రికెట్‌ సంఘం (క్యాబ్‌) అధ్యక్ష పదవికి మరోసారి పోటీ పడతానని గంగూలీ తెలిపాడు. కాగా కోహ్లి, రోహిత్ ఇదివరకే టి20, టెస్టులకు వీడ్కోలు పలికిన సంగతి తెలిసిందే.