Sandy Master: తమిళ సినిమాల్లో పాటలకు కొరియోగ్రఫీతో పేరు తెచ్చుకున్న శాండి మాస్టర్, ఇప్పుడు నటుడిగా మారి విలన్ పాత్రలతో ఆకట్టుకుంటున్నాడు. లియో, లోకా, కిష్కిందపురి చిత్రాల్లో అతని భయానక నటన ప్రేక్షకులను ఆకర్షించింది. మాలీవుడ్, టాలీవుడ్‌లో ఈ చిత్రాలు బాక్సాఫీస్ వద్ద గొప్ప విజయం సాధించాయి. శాండి మాస్టర్ ఈ సినిమాలతో సౌత్ ఇండస్ట్రీలో కొత్త ట్రెండ్ సృష్టిస్తున్నాడు.
Also Read: Akhanda 2: బాలయ్య బాబు డబుల్ ధమాకా… ‘ఓజీ’కి ఆల్ ది బెస్ట్, ‘అఖండ 2’ విడుదల డేట్ ఫిక్స్!
శాండి మాస్టర్ కొరియోగ్రాఫర్‌గా మాత్రమే కాక, నటుడిగా సౌత్ సినిమాలో సంచలనం సృష్టిస్తున్నాడు. విజయ్ దళపతి నటించిన లియోలో కాపీ షాప్ సీన్‌లో అతడి విలన్ పాత్ర భయపెట్టింది. ఈ చిత్రం రూ. 600 కోట్ల గ్రాస్‌తో కోలీవుడ్ టాప్ గ్రాసర్‌లలో నిలిచింది. మాలీవుడ్‌లో కళ్యాణి ప్రియదర్శినీతో కలిసి నటించిన లోకా చిత్రం రూ. 275 కోట్లు వసూలు చేసి ఇండస్ట్రీ హిట్ గా నిలిచింది. టాలీవుడ్‌లో కిష్కిందపురిలో అతడి పాత్ర సినిమాకు బూస్టర్‌గా నిలిచింది. శాండి విలన్ పాత్రలతో బ్లాక్‌బస్టర్ హిట్స్ అందుకుంటున్నాడు. కొరియోగ్రఫీలో రాజమౌళి, చరణ్, తారక్‌లను మెప్పించిన అతడు, నటనలోనూ తనదైన ముద్ర వేస్తున్నాడు.