Encounter: ఛత్తీస్‌గఢ్‌ రాష్ట్రంలో మావోయిస్టులకు, భద్రతా బలగాలకు మధ్య తీవ్రమైన ఎదురుకాల్పులు జరిగాయి. ముఖ్యంగా బీజాపూర్ జిల్లాలోని నేషనల్ పార్క్ పరిసర ప్రాంతాల్లో ఈ ఘటన జరిగింది. మావోయిస్టుల ఉనికి గురించి సమాచారం అందుకున్న భద్రతా బలగాలు వారిని చుట్టుముట్టాయి. దీంతో రెండు వర్గాల మధ్య భీకరంగా కాల్పులు కొనసాగాయి. ఈ కాల్పులలో కొంతమంది మావోయిస్టు నాయకులు మరణించినట్లుగా ప్రాథమిక సమాచారం అందినప్పటికీ, దీనికి సంబంధించిన పూర్తి వివరాలు, మృతుల సంఖ్య ఇంకా అధికారికంగా తెలియాల్సి ఉంది. ప్రాంతంలో గాలింపు చర్యలు ముమ్మరంగా జరుగుతున్నాయి.
