BCCI: డ్రీమ్11తో ఉన్న రూ. 358 కోట్ల కాంట్రాక్ట్‌ను ముందుగానే రద్దు చేసినప్పటికీ, BCCI డ్రీమ్11కు జరిమానా విధించలేకపోతుంది. దీనికి గల కారణం ఆ ఒప్పందంలోని ఒక క్లాజ్. ఫోర్స్ మజ్యూర్ అని పిలువబడే ఒక కీలకమైన క్లాజ్. గతంలో డ్రీమ్11 ₹358 కోట్ల రూపాయలకు భారత జట్టుకు జెర్సీ స్పాన్సర్‌గా మూడేళ్ల కాంట్రాక్ట్ కుదుర్చుకుంది. కానీ, భారత్ మరియు పాకిస్తాన్ మధ్య ద్వైపాక్షిక సిరీస్ లేకపోవడం, కొన్ని ఇతర కారణాల వల్ల డ్రీమ్11 ఈ కాంట్రాక్ట్‌ను రద్దు చేయాలని నిర్ణయించుకుంది.
Also Read: Dream11: టీం ఇండియా అఫిషియల్ స్పాన్సర్ షిప్ నుండి తప్పుకున్న డ్రీమ్ 11
ఈ కాంట్రాక్ట్‌లో ఉన్న ఒక ప్రత్యేక క్లాజ్ ప్రకారం, కొన్ని అనివార్య పరిస్థితులు (ఉదాహరణకు, కోవిడ్-19 మహమ్మారి వంటివి) లేదా ప్రభుత్వ విధానాల కారణంగా ఏదైనా ఒక పార్టీ తమ బాధ్యతలను నిర్వర్తించలేకపోతే, ఆ పార్టీపై మరొక పార్టీ జరిమానా విధించలేదు. డ్రీమ్11 పాకిస్తాన్‌తో భారత్ సిరీస్ లేకపోవడం కొన్ని వాణిజ్యపరమైన నష్టాలను ఈ క్లాజ్ కిందకు తీసుకువచ్చింది. ఈ క్లాజ్ కారణంగా BCCI కూడా చట్టపరంగా డ్రీమ్11కు జరిమానా విధించలేని పరిస్థితి ఏర్పడింది. ఈ ఒప్పందాన్ని ఇరు పక్షాలు సామరస్యంగా ముగించుకున్నట్లు తెలుస్తోంది. కాగా డ్రీమ్11 స్థానంలో కొత్త స్పాన్సర్ కోసం BCCI టెండర్లు పిలిచింది. ఈ పరిణామంతో, భవిష్యత్తులో స్పాన్సర్‌షిప్ ఒప్పందాలు కుదుర్చుకునేటప్పుడు BCCI మరింత జాగ్రత్తగా ఉండే అవకాశం ఉంది.