Idli Kadai First Look Poster: ధనుష్ దర్శకత్వం వహిస్తున్న నాలుగో చిత్రం ‘ఇడ్లీ కడై’. గతంలో ధనుష్ ‘పా పాండి, రాయన్’ చిత్రాలను రూపొందించాడు. ఇక ‘నీలవుక్కు ఎన్ మేల్ ఎన్నాడి కుంబమ్’ మూవీ విడుదల కావాల్సి ఉంది. ఈ లోగా నాలుగో సినిమా ‘ఇడ్లీ కడై’ను రూపొందించే పనిలో పడ్డాడు ధనుష్. ఈ జాతీయ ఉత్తమ నటుడితో జాతీయ ఉత్తమ నటి నిత్యా మీనన్ జత కలిసింది. రాజ్ కిరణ్‌, సముతిర కని ఇందులో కీలక పాత్రలు పోషిస్తున్నారు. జి.వి. ప్రకాశ్ కుమార్ ఈ చిత్రానికి సంగీతం అందిస్తున్నాడు. ఈ సినిమాను ఆకాశ్ భాస్కరన్ తో కలిసి ధనుషే నిర్మిస్తున్నాడు. ఏప్రిల్ 10న ఈ సినిమా విడుదల కాబోతోంది. గత యేడాది ధనుష్ ‘కెప్టెన్ మిల్లర్, రాయన్’ చిత్రాలు ఆశించిన స్థాయిలో సక్సెస్ ను అందుకోలేదు. మరి ఈ చిత్రమైనా ఆ లోటును తీర్చుతుందేమో చూడాలి.
