Maharashtra Elections: మహారాష్ట్ర అసెంబ్లీ ఎన్నికలకు నామినేషన్ల ఉపసంహరణ చివరి రోజున 2,938 మంది అభ్యర్థులు తమ నామినేషన్లను ఉపసంహరించుకున్నారు. దీంతో ఇప్పుడు 288 అసెంబ్లీ స్థానాలకు మొత్తం 4,140 మంది అభ్యర్థులు బరిలో మిగిలారు. 2019 అసెంబ్లీ ఎన్నికల్లో పోటీ చేసిన 3,239 మంది అభ్యర్థుల కంటే ఈ అభ్యర్థుల సంఖ్య 28% ఎక్కువ.
రాష్ట్ర ఎన్నికల కమిషనర్ ప్రకారం, 288 స్థానాలకు 7,078 చెల్లుబాటు అయ్యే నామినేషన్లు వచ్చాయి. నందుర్‌బార్‌లోని షహదా స్థానంలో ముగ్గురు అభ్యర్థులు మాత్రమే ఉండగా, ముంబైలోని 36 స్థానాల్లో 420 మంది అభ్యర్థులు పోటీ చేయనున్నారు. ఈ స్థానాలకు నవంబర్ 20న ఓటింగ్, నవంబర్ 23న కౌంటింగ్ జరగనుంది.
నామినేషన్ల ఉపసంహరణ చివరి రోజున మహావికాస్ అఘాడి, మహాయుతి తమ తిరుగుబాటు అభ్యర్థులను ఒప్పించే పనిలో నిమగ్నమయ్యారు. శివసేన, ఎన్సీపీ మధ్య చీలిక కారణంగా ఈసారి ఆరు పెద్ద పార్టీలు బరిలో నిలిచాయి. తిరుగుబాటుదారులు ఎక్కువ కావడానికి ఇదే కారణం. రాష్ట్రంలోని దాదాపు అన్ని స్థానాల్లో రెబల్స్ పోటీ చేస్తున్నారు.