Coolie: సినీ ప్రియులకు శుభవార్త! రజనీకాంత్ నటించిన ‘కూలీ’ సినిమా 2025లో బాక్సాఫీస్ వద్ద సంచలనం సృష్టించేందుకు సిద్ధమైంది. ప్రీ-సేల్స్‌లోనే భారీ కలెక్షన్లతో దూసుకెళ్తున్న ఈ చిత్రం, ఇప్పటికే గేమ్‌ఛేంజర్ రికార్డులను అధిగమించింది. భారీ అంచనాల మధ్య ఆగస్టు 14న విడుదలకు సిద్ధమవుతున్న కూలీ, తెలుగు రాష్ట్రాల్లో అభిమానుల ఉత్సాహాన్ని రెట్టింపు చేస్తోంది. ఈ సినిమా ఓపెనింగ్ ఎలా ఉండబోతుంది? బాక్సాఫీస్ వద్ద ఏ స్థాయిలో సందడి చేస్తుంది?
Also Read: Balineni Srinivasa Reddy: అన్నపూర్ణ తల్లి బువమ్మ’ లాంటి ఆదర్శమైన చిత్రాలు మరెన్నో రావాలి
రజనీకాంత్ నటించిన ‘కూలీ’ ప్రీ-సేల్స్‌లో రూ. 14 కోట్లతో దూసుకెళ్తోంది. హిందీ, తమిళం, తెలుగు, కన్నడ భాషల్లో సుమారు 6 లక్షల టికెట్లు అమ్ముడై, రూ. 20 కోట్ల బ్లాక్ బుకింగ్‌తో సత్తా చాటుతోంది. లోకేష్ కనగరాజ్ దర్శకత్వంలో తెరకెక్కిన ఈ చిత్రం, తెలుగు రాష్ట్రాల్లో హౌస్‌ఫుల్ షోలతో జోష్‌ని నింపుతోంది. అమెరికాలో కూడా కూలీ ప్రీమియర్ బుకింగ్స్ 200K డాలర్లతో ఆకట్టుకుంటోంది. భారీ బడ్జెట్‌తో రూపొందిన ఈ సినిమా, ఆగస్టు 14న రూ. 150 కోట్ల ఓపెనింగ్‌తో రికార్డులను బద్దలు కొట్టనుంది.