Kammareddy: కామారెడ్డి జిల్లాలో విషాదకర ఘటన జరిగింది. జిల్లా పోలీస్ కార్యాలయంలో విధులు నిర్వహిస్తున్న జీవన్‌రెడ్డి అనే కానిస్టేబుల్ ఆత్మహత్య చేసుకున్నారు.
ఈ ఘటన కామారెడ్డి శివారులోని గర్గుల్ గ్రామం దగ్గర జరిగింది. జీవన్‌రెడ్డి తనపై పెట్రోల్ పోసుకుని నిప్పంటించుకొని మరణించారు.
కుటుంబ సమస్యలే కారణం?
ఈ ఆత్మహత్యకు గల కారణాలపై పోలీసులు విచారణ చేపట్టారు. కుటుంబ కలహాలు లేదా వ్యక్తిగత సమస్యల కారణంగానే జీవన్‌రెడ్డి ఈ దారుణ నిర్ణయం తీసుకుని ఉంటారని పోలీసులు అనుమానిస్తున్నారు.
పోలీస్ శాఖలో పనిచేస్తున్న వ్యక్తి ఇలా ఆత్మహత్య చేసుకోవడం జిల్లాలో విషాదాన్ని నింపింది. ఈ ఘటనపై మరింత సమాచారం తెలుసుకోవడానికి పోలీసులు కేసు నమోదు చేసి దర్యాప్తు చేస్తున్నారు.