Cm revanth: తెలంగాణ ముఖ్యమంత్రి రేవంత్ రెడ్డి రాష్ట్ర రాజకీయాల్లో సంచలన వ్యాఖ్యలు చేశారు. మాజీ సీఎం కేసీఆర్‌పై తీవ్ర స్థాయిలో విమర్శలు చేస్తూ పలు ప్రశ్నలు సంధించారు.
కేసీఆర్‌పై రేవంత్ తీవ్ర వ్యాఖ్యలు
రేవంత్ రెడ్డి మాట్లాడుతూ, “తెలంగాణను పట్టిపీడించిన వ్యక్తి జాతిపిత ఎలా అవుతాడు?” అని ప్రశ్నించారు. కేసీఆర్ తన హయాంలో రాష్ట్రాన్ని తీవ్ర ఆర్థిక సంక్షోభంలోకి నెట్టేశారని ఆరోపించారు.
15 నెలలు అసెంబ్లీకి రాని కేసీఆర్
రేవంత్ రెడ్డి మాట్లాడుతూ, “15 నెలలు అసెంబ్లీకి రాకుండా రూ. 58 లక్షల జీతం తీసుకున్న కేసీఆర్, ప్రజాస్వామ్య విలువలను అపహాస్యం చేశాడు” అని మండిపడ్డారు. ప్రజా సమస్యలను విస్మరించి, తానే పెద్ద మనిషినంటూ ప్రవర్తించారని విమర్శించారు.
తెలంగాణ అప్పులు – కేసీఆర్ ఆస్తుల పెరుగుదల
“తెలంగాణ రాష్ట్ర అప్పులు పెరిగి పోయాయి, కానీ మీ కుటుంబం లక్ష కోట్ల ఆస్తులు సంపాదించుకుంది. మా అప్పులు ఎలా పెరిగాయి? మీకేంటి ఈ వేల కోట్ల సంపాదన?” అంటూ రేవంత్ రెడ్డి ఘాటు వ్యాఖ్యలు చేశారు.
“మీ నైపుణ్యం యువతకు నేర్పండి”
రేవంత్ రెడ్డి మాట్లాడుతూ, “మీరు లక్ష కోట్లు సంపాదించే నైపుణ్యం ఏమిటో మా యువతకు నేర్పండి” అని వ్యంగ్యంగా ప్రశ్నించారు. రాష్ట్ర ఖజానాను దోచుకుని, స్వార్థ ప్రయోజనాల కోసం పాలనను నిర్వహించారని తీవ్రంగా విమర్శించారు.
తెలంగాణలో రాజకీయం వేడెక్కిన పరిస్థితి
రేవంత్ రెడ్డి వ్యాఖ్యలతో తెలంగాణ రాజకీయాలు మరింత వేడెక్కాయి. బీఆర్ఎస్ నేతలు దీనిపై ఎలా స్పందిస్తారనేది ఆసక్తికరంగా మారింది. రాబోయే రోజుల్లో ఈ విమర్శలకు ఎలా ఎదురుదెబ్బఇస్తారో వేచిచూడాలి.